2017-11-15 18:39:34, 1298 ნახვა
რეგიონი
შსს-ს სასაზღვრო პოლიციის ავიაციის თანამშრომელს, შესაძლო გადაცდომის გამო, უფლებამოსილება შეუწყდა
ყვარელში, სასულიერო პირებმა, შინაგან საქმეთა სამინისტროს სასაზღვრო პოლიციის ვერტმფრენის საშუალებით, სკოლის მოსწავლეები ჰაერიდან დალოცეს.
შსს-ს ინფორმაციით, მომხდარის გამო, სასაზღვრო პოლიციის მაღალჩინოსანი სამსახურიდან გათავისუფლდა.
„მიმდინარე წლის 15 ნოემბერს შსს-ს სასაზღვრო პოლიციის კუთვნილი ვერტმფრენით კახეთის რეგიონის სოფელ ენისელის მიმართულებით გახორციელებული სავარჯიშო ფრენების დროს მომხდარ შემთხვევასთან დაკავშირებით შსს-ს გენერალურმა ინსპექციამ სამსახურებრივი შემოწმება დაიწყო.
მომხდარი ფაქტის გამო, შსს-ს სასაზღვრო პოლიციის სპეციალური დანიშნულების ავიაციის მთავარი სამმართველოს უფროსის მოვალეობის შემსრულებელს შეუწყდა სამსახურებრივი უფლებამოსილება“, - აცხადებენ შინაგან საქმეთა სამინისტროში.
შეგახსენებთ, ყვარელში მოსწავლეები სასულიერო პირებმა ვერტმფრენიდან დალოცეს.
![]()
ავტორი: ,
epn.ge (@expressnews.ge)
