აჭარაში "იძულებით გადაადგილებულ პირთა და ლტოლვილების შესახებ" პროექტის მონაწილეები იმყოფებიან.

პროექტი „ერასმუს+“-ის მიერ ფინანსდება და მასში ჩართულია 30 ახალგაზრდა საქართველოდან, სომხეთიდან, თურქეთიდან, რუმინეთიდან, ხორვატიიდან და ბელგიიდან.

პროექტის მონაწილეებს აჭარის ჯანდაცვის მინისტრი ზაალ მიქელაძე და მინისტრის მოადგილე რამაზ ჯინჭარაძე შეხვდნენ. სამინისტროს წარმომადგენლებმა, მონაწილეებს, იძულებით გადაადგილებულ პირთა და ლტოლვილთა შესახებ სახელმწიფო სტრატეგია გააცნეს, ისაუბრეს ამ კუთხით განხორციელებულ პროექტებზე და შეკითხვებს უპასუხეს.

„We are all United“ პროექტს არასამთავრობო ორგანიზაცია „საქართველოს ახალგაზრდული ცენტრი“ ახორციელებს. აჭარის ჯანდაცვის სამინისტროს ინფორმაციით, პროექტის ფარგლებში, ქ. ქობულეთში, 5 – 11 ოქტომბერს 7-დღიანი ტრენინგ კურსი ტარდება.

„პროექტის მიზანია ახალგაზრდები გაეცნონ სხვადასხვა ქვეყანაში არსებულ მდგომარეობას იძულებით გადაადგილებულ პირთა და ლტოლვილების შესახებ. გაუზიარონ ერთმანეთს თავიანთი გამოცდილება და შეიმუშაონ სამომავლო პროექტები თუ როგორ შეუწყონ ხელი იძულებით გადაადგილებულ პირთა და ლტოლვილების აქტიურ ჩართვას სამოქალაქო ცხოვრებაში. პროექტი ასევე მიზნად ისახავს ინფორმაციის მიწოდება სხვადასხვა ქვეყნების ტრადიციების, ადათ-წესების, ხალხური სიმღერების, ტრადიციული ცეკვების და ტრადიციული სამზარეულოს შესახებ“, - აცხადებენ აჭარის ჯანდაცვის სამინისტროში.

(NS)

ავტორი: ,

სოციალური ქსელები

ნეთანიაჰუ არაბთა გაერთიანებულ საემიროებს ეწვია.

იაროსლავის ოლქში, პიროტექნიკის საწყობში გაჩენილ ხანძარს 14 ადამიანი ემსხვერპლა

მოსკოვის მახლობლად მდებარე ქალაქებში ბენზინგასამართი სადგურებიდან ბენზინი გაქრობას იწყებს

საქართველოს ნაკრებისა და უკრაინის მატჩი ფრედ დასრულდა