„რეიტინგების მიხედვით თუ უნდა ვიმსჯელოთ, მაშინ ზაალ უდუმაშვილთან უნდა დავჯდე დებატებში", - ასე  გამოეხმაურა „ქართული ოცნების“ თბილისის მერობის კანდიდატი კახა კალაძე თბილისის მერობის დამოუკიდებელი კანდიდატის  ალეკო ელისაშვილის შეთავაზებას.

კალაძის თქმით, ის მზად არის, დებატებში მერობის შვიდივე კანდიდატთან ერთად მიიღოს მონაწილეობა.

"ფეხბურთს, პოლიტიკას, არჩევნებს და ზოგადად ყველაფერს აქვს წესი. შესაბამისად, როდესაც ის ამბობს რომ მიწვევს დებატებში დაახლოებითი რეიტინგები ხომ არსებობს? ვიღაც კანდიდატს აქვს ის რეიტინგი, ვიღაცას კი ეს. რეიტინგების მიხედვით თუ უნდა ვიმსჯელოთ მაშინ ზაალ უდუმაშვილთან უნდა დავჯდე დებატებში. შესაბამისად, პატივს ვცემ ყველა კანდიდატს, არაერთ კანდიდატთან ვაპირებ დაჯდომას. მზად ვარ შვიდივესთან ერთად დავჯდე. ჩვენ არასოდეს გვითქვამს უარი დებატებში მონაწილეობაზე", - განაცხადა კალაძემ.

შეგახსენებთ, თბილისის მერობის დამოუკიდებელმა კანდიდატმა ალეკო ელისაშვილმა მმართველი გუნდის კანდიდატი დებატებში გუშინ მეორედ გამოიწვია, თუმცა მან კიდევ ერთი უარი მიიღო.

ავტორი: ,

სოციალური ქსელები

გებელსიადა ComCom-ში საბჭოთა ცენზურის დაცვით

„ქართული ოცნების“ გამოცხადებული ღალატის ქრონიკა

კობახიძემ შპს „სოლიდუსს“ სამი თვით გაუგრძელდა ოკუპირებულ ტერიტორიაზე საქმიანობისთვის სპეციალური თანხმობის მოქმედება

ერთ-ერთი კომპანია, რომელმაც ოკუპირებულ აფხაზეთში ბენზინი შეიტანა „სოლიდუსია“ მისი მფლობელი გიორგი არველაძეა