ახალქალაქის სოფელ კუმურდოში ადგილობრივ მოსახლეობასა და დაცვის პოლიციის თანამშრომლებს შორის ფიზიკური დაპირისპირება მოხდა, - ამის შესახებ ადგილობრივი გამოცემა JNEWS-ი იუწყება.

დაპირისპირება მას შემდეგ მოხდა, რაც ეთნიკურად სომეხ მოსახლეობას მე-10 საუკუნის ტაძრის ეზოში შესვლა და ქვაჯვრების დადგმა სურდა. აღნიშნული ტაძარი არის კულტურული მემკვიდრეობის ძეგლი, იმყოფება კულტურის სამინისტროს ბალანსზე და მას დაცვის პოლიცია იცავს.

დაპირისპირების დროს დაცვის პოლიციამ საპატრულო პოლიცია გამოიძახა, ამის შემდეგ კი, ადგილზე სპეცრაზმის მისვლაც გახდა საჭირო. მისულ პოლიციელებს მოსახლეობამ ქვები დაუშინა, რის შედეგადაც რამდენიმე პოლიციელი დაშავდა. კიდევ რამდენიმე ადამიანი შსს-მ დააკავა.

ინციდენტის ადგილას შინაგან საქმეთა მინისტრი გიორგი მღებრიშვილიც ჩავიდა. ის მოსახლეობას დახურულ კარს მიღმა ხვდება.

ამასთან, მინისტრმა განაცხადა, რომ 2 დაკავებულ მოქალაქეს გაათავისუფლებენ.

ავტორი: ,

სოციალური ქსელები

ევროსაბჭოს საპარლამენტო ასამბლეამ საქართველოზე კრიტიკული რეზოლუცია მიიღო

კომერსანტი: კრემლში თქვეს, რომ ე.წ. სამხრეთ ოსეთის სტატუსის გადაწყვეტის დრო დადგა

გიორგი გახარია: ქართული ოცნება ოკუპანტ სახელმწიფოსთან კოლაბორაციონიზმის ღია დემონსტრირებას ახდენს

ედიტე ესტრელა: საქართველოში დემოკრატიული უკუსვლა გაგრძელდა, ასამბლეის არცერთი სასწრაფო რეკომენდაცია არ განხორციელებულა