საქართველოს პარლამენტის თავმჯდომარის ირაკლი კობახიძის განცხადებით,  ახალი კონსტიტუცია იურიდიული ტექნიკის თვალსაზრისით, სანიმუშო იქნება. კობახიძის შეფასებით, დღეს მოქმედი კონსტიტუციის დოკუმენტი შინაარსობრივი და სტრუქტურული კუთხით, ძალიან გაუმართავია:

„თუ ნახავთ დღევანდელ კონსტიტუციას, ეს დოკუმენტი იქნება ნამდვილად სანიმუშო იურიდიული ტექნიკის თვალსაზრისით. მე ვასწავლი თბილისის სახელმწიფო უნივერსიტეტში სტუდენტებს კონსტიტუციურ სამართალს და ნამდვილად მეუხერხულებოდა ამ ტექსტით მუშაობა სტუდენტებთან იმდენად გაუმართავი იყო ის შინაარსობრივი და სტრუქტურული თვალსაზრისით. თუ ჩახედავთ ახალ დოკუმენტს, აბსოლუტურად გამართული სტრუქტურა აქვს, შეუძლებელი იყო კონსტიტუციის მუხლების დასათაურებაც კი. დღეს ყველა მუხლი დასათაურებულია. ეს ნიშნავს იმას, რომ სისტემაშია მოქცეული თავიდან ბოლომდე კონსტიტუციის ახალი რედაქცია. იყო უამრავი ხარვეზი, დაწყებული სტილისტური ხარვეზებით,  დამთავრებული გრამატიკული, შინაარსობრივი ხარვეზი იყო უამრავი, რაც თავიდან ბოლომდე სწორდება.  ეს შინაარსთან შედარებით მეორეხარისხოვანი საკითხია, მაგრამ ესეც თავისი არსით ძალიან მნიშვნელოვანია, რაც გასწორდა კონსტიტუციის ტექსტში. ჩვენ ვიღებთ ძალიან სანიმუშო, დახვეწილ კონსტიტუციას, იურიდიული ტექნიკის კუთხით, ეს დოკუმენტი არის ძალიან დახვეწილი“,-აღნიშნა ირაკლი კობახიძემ.

ავტორი: ,

სოციალური ქსელები

sCoolApp-ის სპეციალური შეთავაზება მშობლებისთვის

როგორ ეხმარება მუსიკა უცხოეთში მცხოვრებ ბავშვებს ქართულ ენასთან კავშირის შენარჩუნებაში

ComCom-მა TV პირველი მიუკერძოებლობის პრინციპების დარღვევისთვის 5 000 ლარით დააჯარიმა

შსს: სასიგნალო შეტყობინების შემოსვლის გამო, გამშვებ პუნქტ დარიალიდან ევაკუაცია მოხდა