მდინარაძე: ოპოზიცია ცდილობს, საკონსტიტუციო პროცესს ჩრდილი მიაყენოს

2017-09-25 15:02:08, 2158 ნახვა

კომენტარი

ფრაქცია "ქართული ოცნების" თავმჯდომარის მამუკა მდინარაძის განცხადებით, ოპოზიცია ცდილობს საკონსტიტუციო პროცესს ჩრდილი მიაყენოს.

როგორც მდინარაძემ განმარტა, საპარლამენტო უმცირესობის წარმომადგენლები ამისთვის, ვენეციის კომისიის დასკვნის ინტერპრეტაციას ახორციელებენ.

"ოპოზიცია მთელი ამ ხის განმავლობაში, რაც საკონსტიტუციო პროცესი მიმდინარეობს, ყოველდღიურად ცდილობს რომ, რამენაირად ჩრდილი მიაყენოს ამ პროცესს. თუმცა ვენეციის კომისიის ბოლო დასკვნამ ამ ყველაფერს წერტილი დაუსვა და თქვა სიმართლე, რომ ეს არის პროგრესული კონსტიტუცია. ამასთან, დაკავშირებით ინტერპრეტაციებს აკეთებენ და მანიპულაციას მიჰყვეს ხელი. იმასაც ამბობენ, რომ იქ თითქოს ნეგატივები ჭარბობს, რაც ასევე ტყუილია. მთავარი ის არის, რომ ცოტა ხანში არავის ემახსოვრება მათი უპასუხისმგებლო განცხადებები. ჩვენ მივიღებთ დემოკრატიულ, გრძელვადიან პერსპექტივაზე გათვლილ, ძალიან მაგარ კონსტიტუციას და ეს იქნება ჩვენი ქვეყნის განვითარების კიდევ ერთი მყარი გარანტი", - აღნიშნა საპარლამენტო უმრავლესობის წევრმა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები