მიხეილ გიორგაძე: ზურაბ სოტკილავას გარდაცვალება, ქართული საზოგადოებისთვის და კულტურისთვის დიდი დანაკლისია

2017-09-23 17:22:15, 2261 ნახვა

კომენტარი

კულტურისა და ძეგლთა დაცვის მინისტრი მიხეილ გიორგი საოპერო მომღერლის ზურაბ სოტკილავას ოჯახის წევრებს სამძიმარს უცხადებს.

როგორც მინისტრმა ჟურნალისტებს მომღერლის სამოქალაქო პანაშვიდზე დასწრების შემდეგ განუცხადა, სოტკილავას გარდაცვალება ქართული საზოგადოებისთვის და კულტურისთვის დიდი დანაკლისია.

„მისმა დაუვიწყარმა შესრულებამ საოპერო არიების, ის მსოფლიო დონის ვარსკვლავად აქცია. ბატონი სოტკილავას გარდაცვალებით, ჩვენმა საზოგადოებამ, ქართულმა კულტურამ, დაკარგა არა მხოლოდ მსოფლიო დონის ტენორი, არამედ გამორჩეული ადამიანი და მოქალაქე. საგულისხმოა, რომ ის ერთნაირი წარმატებით და პასუხისმგებლობით ასრულებდა როგორც საოპერო ნაწარმოებებს, ისევე ფოლკლორს. ის ასევე იყო აბსოლუტურად გამორჩეული პედაგოგი, რომელიც თავის ცოდნასა და უდიდეს გამოცდილებას ახალგაზრდა თაობას გადასცემდა. ვუსამძიმრებ პირველ რიგში მის ოჯახის წევრებს, ახლობლებს და მისი შემოქმედების ყველა თაყვანისმცემელს“, - განაცხადა მიხეილ გიორგაძემ.

ცნობისთვის, თბილისის ოპერისა და ბალეტის თეატრში ზურაბ სოტკილავას სამოქალაქო პანაშვიდი მიმდინარეობს.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები