საქართველოს პრემიერ-მინისტრის გიორგი კვირიკაშვილის განცხადებით, ბორჯომის ხეობაში, სტიქიის ზონაში სიტუაცია კონტროლს ექვემდებარება. როგორც მან ჟურნალისტებთან საუბრისას აღნიშნა, წუხანდელი ღამის განმავლობაში 3 კილომეტრამდე ახალი გზა გაიჭრა, რის შედეგადაც მოხდა აქტიური ცეცხლის კერების  ჯანმრთელი ტყისგან გამიჯვნა:

„წუხელ იყო ძალიან რთული ღამე. მთელი ღამის განმავლობაში მიმდინარეობდა მუშაობა. წუხანდელი ღამის განმავლობაში გაჭრილია ტყეში 3 კილომეტრამდე ახალი გზა. მოხდა აქტიური ცეცხლის კერების გამიჯვნა ჯანმრთელი ტყისგან. შეიძლება ითქვას, რომ ცეცხლის კერები შემოსაზღვრულია“,-განაცხადა გიორგი კვირიკაშვილმა.

მისივე ინფორმაციით, ამ დროისთვის სტიქიის ადგილზე მუშაობს 6 ვერტმფრენი და 1500 კაცი, ცოცხალი ძალა.

„გასული არიან ყველა აქტიური ცეცხლის ზონაში. დღის განმავლოობაში გაგრძელდება იმ კერებზე როგორც ავიაციით, ასევე ცოცხალი ძალით დამუშავება, სიტუაცია კონტროლს ექვემდებარება. მინდა, განსაკუთრებულად აღვნიშნო მადლობა დახმარებისთვის, რომელსაც ჩვენ ვიღებთ.“,-ამბობს პრემიერი.

ავტორი: ,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს