„ხომ არის ასეთი რუსული გამოთქმა, ქართულიც არის-„ნეტ ხუდა ბეზ დაბრა“, ამ ხანძრის მეშვეობით ჩვენ, იქნებ, აუცილებელ  სამეზობლო კონტაქტებს დავამყარებდით რუსეთთან“,-ამის შესახებ „საქართველოს პატრიოტთა ალიანსის“ წევრმა ადა მარშანიამ  ბორჯომის ხეობაში ხანძრის სალიკვიდაციოდ, რუსული მხარისგან შემოთავაზებული დახმარების მიღების საკითხზე საუბრისას განაცხადა.

ადა მარშანია მიიჩნევს, რომ  რუსეთის დახმარებაზე საქართველომ უარი არ უნდა თქვას.

„ხომ არის ასეთი რუსული გამოთქმა, ქართულიც არის-„ნეტ ხუდა ბეზ დაბრა“, ამ ხანძრის მეშვეობით ჩვენ, იქნებ, აუცილებელ  სამეზობლო კონტაქტებს დავამყარებდით.

ახლაც არის ამის საშუალება ჯერჯერობით. ნუთუ, კიდევ დაგვჭირდება ჩვენ დახმარება მეზობელი ქვეყნის, რომელსაც მართლაც რომ შთამბეჭდავი ტექნიკა აქვს და საშუალებები ამ მხრივ. ძალიან ცუდია, რომ ჩვენმა ხელისუფლებამ, ყოველშემთხვევაში, ამ ეტაპზე, უარი თქვა მეზობელი ქვენის, რუსეთის ფედერაციის დახმარებაზე. არ არის ეს ჭკვიანური გადაწყვეტილება. ეს არ არის არც პრინციპული პოზიცია, არც პატრიოტიზმია ეს და არც ღირსების დაცვაა ეს. უამრავი, 10 000-ობით რუსი ტურისტი და რუსეთის ფედერაციიდან მოქალაქრე შემოდის ჩვენს ქვეყანაში და ამ შემთხვევაში, სად არის ჩვენი პრინციპულობა, ღირსების ცვა და პატრიოტიზმი? მთავარია, რაც შეიძლება სწრაფად დამთავრდეს ეს ყველაფერი. რასაკვირველია, ძალიან ცუდი, ტრაგიკული მოვლენებია“,-აღნიშნა ადა მარშანიამ.

შეგახსენებთ, პრემიერ-მინისტრ გიორგი კვირიკაშვილის განცხადებით, რუსეთმა გამოთქვა მზადყოფნა, დაეხმაროს  საქართველოს, თუმცა მისივე შეფასებით, ამის საჭიროება არ არის.

ავტორი: ,

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს