გუდაურში პირველადი დახმარების სამედიცინო პუნქტი ამოქმედდა.

მთავრობის ადმინისტრაციის პრესსამსახურის ინფორმაციით, სამედიცინო პუნქტი პრემიერ–მინისტრმა ირაკლი ღარიბაშვილმა მოინახულა და მას მასპინძლობა ჯანდაცვის მინისტრმა დავით სერგეენკომ გაუწია.

სერგეენკოს განმარტებით, ცნობილ სამთო-სათხილამურო კურორტზე მსგავსი სამედიცინო პუნქტი აქამდე არ არსებობდა,  შესაბამისად, პირველადი  დახმარების აღმოსაჩენად, ტრამვირებული დამსვენებლები თბილისში გადაჰყავდათ.

როგორც ირაკლი ღარიბაშვილმა სამედიცინო პუნქტის დათვალიერებისას აღნიშნა, მნიშვნელოვანია ის ფაქტი, რომ  გუდაურში სტუმრები მშვიდად დაისვენებენ  და  მათთვის გადაუდებელი სამედიცინო დახმრების გაწევა პრობლემა აღარ იქნება.

“ჩვენ ვიზრუნეთ იმაზე, რომ გუდაურში აშენებულიყო გადაუდებელი სამედიცინო დახმარების პუნქტი,  რაც ძალიან მნიშვნელოვანია, რადგან აქ უამრავი ტურისტი სრიალებს და ბევრი ბავშვი ვარჯიშობს და წლების განმავლობაში მათთვის გადაუდებელი სამედიცინო დახმრების გაწევა პრობლემად რჩებოდა,”-აღნიშნა ირაკლი ღარიბაშვილმა.

ამასთან, სამედიცინო ცენტრში პირველადი დახმარების აღმოჩენასთან ერთად, ლაბორატორიული და ექოსკოპიური გამოკვლევების ჩატარებაც იქნება შესაძლებელი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ალიევმა გაათავისუფლა საფრანგეთის ორი მოქალაქე რომლის გამოც ორი რუსი ოლიგარქი სანქციების სიიდან ამოიღეს

80 000-მდე აბონენტს, მათ შორის თბილისის რამდენიმე უბანს, მცხეთას, ნატახტარს, წიწამურსა და წეროვნის დევნილთა დასახლებას, წყალმომარაგება 36 საათით შეეზღუდება

გორდულაძე – ევროკავშირში უნდა აწყობდეთ, რომ ჩიხში შესული ურთიერთობებიდან გამოსავალი თავადვე მოძებნონ

წითლიძე- აფხაზეთში ჯერ კიდევ არის რუსული ნარატივი, რომ აფხაზებსა და ქართველებს შორის უნდა იყოს მტრობა