ე.წ. ციანიდის საქმეზე დღევანდელი სასამართლო პროცესი დასრულდა.

პროკურორ ზვიად გუბელაძის განცხადებით, 10 ტომიდან 6 ტომი წერილობითი მტკიცებულებების გამოკვლევა მოხდა.

გუბელაძე დარწმუნებულია, რომ მოსამართლე მიიღებს ერთადერთ, ობიექტურ, სწორ გადაწყვეტილებას და დაადასტურებს, რომ ბრალდებული გიორგი მამალაძე ანგარებით გეგმავდა და ამზადებდა შორენა თეთრუაშვილის მკვლელობას.

„ამავე დროს, მამალაძემ მართლსაწინააღმდეგოდ შეიძინა და ინახავდა ცეცხლსასროლ იარაღსა და საბრძოლო მასალას. ვფიქრობ, უნდა დადგეს გამამტყუნებელი განაჩენი“, - აღნიშნა ზვიად გუბელაძემ.

საპირისპიროს აცხადებს დაცვის მხარე. ადვოკატ მიხეილ რამიშვილის თქმით, ბრალდების მხარის წერილობითი მტკიცებულებებიდან ახალი არაფერი გამოკვეთილა.

რამიშვილი ამბობს, რომ თუ მოსამართლე ობიექტური იქნება, გიორგი მამალაძის მიმართ გამამართლებელი განაჩენი უნდა დადგეს.

„წერილობითი მტკიცებულებებით და მოწმეთა ჩვენებებით არა თუ დასტურდება დანაშაული, არამედ დასტურდება, რომ ბრალდება ყველანაირი სამართლებრივი ჩარჩოდან გასულია“, - განაცხადა მიხეილ რამიშვილმა.

ე.წ. ციანიდის საქმეზე მორიგი პროცესი 28 ივლისს, 11:00 საათზე განახლდება. სხდომაზე ბრალდების მხარის წერილობით მტკიცებულებებს გამოიკვლევენ და ასევე, რამდენიმე მოწმის დაკითხვაც იგეგმება.

ამ დროისთვის საერთო ჯამში ბრალდების მხარეს 100-ზე მეტი მოწმე ჰყავს დაკითხული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თუ იქნება მოთხოვნა, კიდევ შევიტანთ, თუ ჯვარზე გაგვაკრეს, აღარ მინდა – სოლიდუსის მფლობელი

მიქაუტაძეს ქრთამის სახით აღებული თანხა ლილუაშვილთან კაბინეტში მიჰქონდა - პროკურორი

ირანი ფარულად ემზადება აშშ-სა და ისრაელის წინააღმდეგ ომის გაფართოებისთვის - The Wall Street Journal

The Telegraph: რუსეთმა ნატოს საზღვრებზე „შაჰიდების“ განსათავსებლად 10 ბაზა ააშენა