აჭარის მთავრობის თავმჯდომარემ ზურაბ პატარაძემ აჭარის ეკონომიკის და ჯანდაცვის მინისტრებთან და ჯანდაცვის მინისტრის მოადგილესთან ერთად ხულოს მუნიციპალიტეტში, სოფელ ვაშლოვანში ახალაშენებულ სოციალურ სახლებში ბინები სტიქიის შედეგად დაზარალებულ 58 ოჯახს გადასცა.

აჭარის მთავრობის პრესსამსახურის ინფორმაციით, საცხოვრებელი ბინების უსასყიდლოდ საკუთრებაში გადაცემის პროცედურების დაწყებისთანავე ბინები კენჭისყრის წესით განაწილდა.

მათივე ინფორმაციით, 89 განაცხადიდან 58 ოჯახი დაკმაყოფილდა.

ამ ეტაპზე 13 ბინაა დარჩენილი, რომლისთვისაც განცხადებების მიღების ბოლო ვადა 17 ივლისს იყო.

ცნობისთვის, უახლოეს დღეებში შესაბამისი ბრძანების პროექტი მომზადდება და კომისიის მიერ შერჩეულ ოჯახებთან აჭარის მთავრობის თავმჯდომარის ბრძანების საფუძველზე საკუთრების ინდივიდუალური ხელშეკრულებები გაფორმდება.

ბენეფიციართა განცხადებები აჭარის ჯანდაცვის სამინისტროში არსებულმა შერეულმა სამთავრობო კომისიამ შეისწავლა.

 სწორედ აღნიშნულმა კომისიამ გასცა 58 ოჯახზე ბინების გაცემის რეკომენდაცია.

მათთვის ვაშლოვანში 6 მრავალბინიანი კორპუსი აშენდა.

2013 წლიდან დღემდე საცხოვრებელი ფართები ბათუმის, ქედის, შუახევისა და ხელვაჩაურის მუნიციპალიტეტების სოციალურ სახლებში სულ 338 ოჯახს გადაეცა.

(NS) 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მოსკოვის სასამართლომ კენედების ოჯახის წევრს დაუსწრებლად პატიმრობა მიუსაჯა

კოლუმბიის პრეზიდენტი - მიწისძვრის შემდეგ 265 ადამიანი დაიღუპა და 3 494 დაშავდა, უგზო-უკვლოდ დაკარგულად ითვლება 496

ნარკოდანაშაულის ბრალდებით 135 პირი დააკავეს, მათ შორის ნარკორეალიზაციაში სხვადასხვა ფორმით ჩართული 55 პირია

ივანიშვილის წარმომადგენელი იონათამიშვილი აფხაზეთში ბენზინის მიწოდებაზე კითხვების გამო ოპოზიციის აკრძალვას ითხოვს