საქართველოს პარლამენტის ვიცე-სპიკერი გია ვოლსკი „ადგილობრივი თვითმმართველობის კოდექსსა” და „საარჩევნო კოდექსში“ შესატან ცვლილებებზე, პრეზიდენტის მიერ ვეტოს დადებას უარყოფითად აფასებს.

როგორც ვოლსკიმ „ექსპრესნიუსს“ განუცხადა, პრეზიდენტის დღევანდელი განცხადების შინაარსი შთაბეჭდილებას ტოვებს, რომ კარგად არ არის გააზრებული, რას ნიშნავს თვითმმართველობის კანონის მთავარი პრინციპი.

„ერთი სიტყვით, რომ ვთქვათ უარყოფითად ვაფასებ, მაგრამ  ეს არ ნიშნავს იმას, რომ ამით რაიმე დაზიანდა, ვთქვათ სახელმწიფოს დემოკრატია, ან პლურალიზმის პრინციპები. ვეტო  მოსალოდნელიც იყო, პრეზიდენტს ამის უფლება აქვს, მაგრამ შინაარსი ამ გამოსვლისა, რომელიც დღეს პრეზიდენტს ჰქონდა, ისეთ შთაბეჭდილებას ტოვებს, რომ კარგად არ არის გააზრებული  რას ნიშნავს თვითმმართველობის კანონის მთავარი პრინციპები, ან რაც უფრო ცუდია, ხომ არ არის ეს გარკვეული არასწორი ინფორმაციის  განზრახ მიწოდება საზოგადოებისათვის. მე მინდა, რომ მეორე ვარიანტი გამოვრიცხო და საქმიანად უპასუხოს პარლამენტმა იმ მოტივირებულ შენიშვნებს, რომელიც პრეზიდენტმა გააკეთა.

როგორ შეიძლება  კონკრეტული ქალაქის თვითმმართველობის რესურსის ან მექანიზმის შემცირებაზე  ვისაუბროთ, მაგალითად ამბროლაურის, მაშინ როდესაც მისი მმართველობა გადის ქალაქის საზღვრებიდან და ვრცელდება მიმდებარე რაიონებზე. ეს აკავშირებს ქალაქისა და მიმდებარე რაიონების მმართველობის მექანიზმებს, იმ თვალსაზრისით, რომ გამოირიცხოს პარალელიზმი, რომ სამეურნეო  კავშირი კონკრეტულ  ქალაქსა და მიმდებარე რაიონებს შორის იყოს უფრო მყარი და ერთი მმართველობის ქვეშ მოქცეული. ეს არ არის მარტო სამეურნეო დარგი, ეს ყველაფერი რასაკვირველია მიმართულია იმისაკენ, რომ დაიხვეწოს მმართველობა“,-განაცხადა ვოლსკიმ და დასძინა, რომ ქალაქს თუ სახელი „თვითმმართველი“ არ ჰქვია, ეს იმას არ ნიშნავს, რომ ქალაქის უფლებები იზღუდება.

„თუ სახელი - „თვითმმართველი“ არ ჰქვია, ეს იმას არ ნიშნავს, რომ  ქალაქის უფლებები, ან მითუმეტეს ამომრჩევლის უფლებები იზღუდება. ეს პოლიტიკური ცვლილებაა დასახელებაში და არა მისი უფლებების და ვალდებულებების დაკნინება“,-განაცხადა გია ვოლსკიმ.

შეგახსენებთ, პრეზიდენტმა „ადგილობრივი თვითმმართველობის კოდექსს” და „საარჩევნო კოდექსში“ შესატან ცვლილებებს ვეტო დაადო.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს