დღეს ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე საქართველოს პარლამენტის ევროპასთან ინტეგრაციისა და საგარეო ურთიერთობათა კომიტეტების გაერთიანებულ სხდომაზე უწყების 6 თვის ანგარიშით წარსდგა.

ანგარიშში სახელმწიფო მინისტრმა ისაუბრა ასოცირების შესახებ შეთანხმების განხორციელების კოორდინაციაზე, კომუნიკაციის სტრატეგიაზე, ნატოსა და ევროკავშირის შესახებ საინფორმაციო ცენტრის მიერ გაწეულ მნიშვნელოვან სამუშაოზე როგორც რეგიონებში, ასევე, კონკრეტულ სამიზნე ჯგუფებთან. ანგარიშში საუბარი შეეხო უვიზო მიმოსვლის შესახებ საინფორმაციო კამპანიას, ბათუმის საერთაშორისო კონფერენციასა და ნატოსა და ევროკავშირის მიმართულებით ჩატარებულ მნიშვნელოვან საქმიანობას და ამ პროცესში პარლამენტისა და სამოქალაქო საზოგადოების აქტიურად ჩართვის მნიშვნელობას გაესვა ხაზი. ასევე, სხდომაზე აღმოსავლეთ პარტნიორობის მომავალი სამიტის მოლოდინებზე დაისვა შეკითხვები და ყურადღება გამახვილდა საქართველოს ნატოსა და ევროკავშირთან თანამშრომლობის შესაძლებლობებსა და გამოწვევებზე.

სხდომაზე ევროპასთან ინტეგრაციის კომიტეტის თავმჯდომარემ თამარ ხულორდავამ მადლობა გადაუხადა მინისტრს და სახელმწიფო მინისტრის აპარატს გაწეული მუშაობისთვის, გახსნილობისთვის და ხაზი გაუსვა უწყების, როგორც მაკოორდინირებელი ფუნქციის დიდ მნიშვნელობას. ასევე, ხაზგასმით აღინიშნა ბათუმის საერთაშორისო კონფერენციის მნიშვნელობის შესახებ და ხაზი გაესვა მის როლს ევროპული ინტერაციის პროცესში.

,,ჩვენ ძალიან სერიოზული სამუშაო გავწიეთ იანვრიდან დაწყებული. მათ შორის იყო ბათუმის საერთაშორისო კონფერენცია. ნატოსა და ევროკავშირის მიმართულებით გადადგმული ძალიან სერიოზული ნაბიჯები. ვიზასთან დაკავშირებული საკითხი მოგვარდა, ასევე, საქართველო გასულ წელს გახდა ევროკავშირის ენერგო -თანამეგობრობის სრულუფლებიანი წევრი და ბათუმის საერთაშორისო კონფერენციაზე ბატონი შევჩოვიჩის მონაწილეობა იყო ამისი კარგი მაგალითი.

ასოცირების შესახებ შეთანხმების იმპლემენტაცია და თავისუფალი სავაჭრო სივრცის შესახებ შეთანხმების იმპლემენტაცია და ზედმიწევნით სწორი შესრულება იქნება ქვეყნისთვის ერთ-ერთი მთავარი საკითხი. ეს არის როგორც შესაძლებლობა, ასევე გამოწვევა. ჯერ -ჯერობით ეს პროცესი იმდენად დინამიურად და სწორად მიმდინარეობს, ნამდვილად არ ველოდები რაიმე სირთულეებს.

დღეს დეპუტატებთან, ჩემს კოლეგებთან და მეგობრებთან ერთად განვიხილავთ ამ საკითხებს და ძალიან მნიშვნელოვანია მათი კითხვები და მოსაზრებები, რომელთაც წამოწევენ ამ შეხვედრაზე."- განაცხადა სახელმწიფო მინისტრმა შეხვედრის დაწყებამდე ჟურნალისტებთან საუბრისას.

ევროპულ და ევროატლანტიკურ სტრუქტურებში ინტერაციის საკითხებში სახელმწიფო მინისტრის აპარატის ანგარიში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს