ბათუმს სახელმწიფო ვიზიტის ფარგლებში უკრაინის პრეზიდენტი პეტრო პოროშენკო ოჯახთან და უკრაინის დელეგაციის წევრებთან ერთად ეწვია.

მეგობარი ქვეყნის პრეზიდენტს ბათუმის საერთაშორისო აეროპორტში აჭარის მთავრობის თავმჯდომარე ზურაბ პატარაძე მეუღლესთან სოფიო ბაკურიძესთან და მთავრობის წევრებთან ერთად დახვდა.

დღესვე, უკრაინის პრეზიდენტმა უკრაინის სახელმწიფო უწყების წარმომადგენლებთან და უკრაინელ ბიზნესმენებთან ერთად ბათუმში გამართულ აჭარის საინვესტიციო ბიზნეს ფორუმში მიიღო მონაწილეობა.

მოგვიანებით კი, პეტრო პოროშენკომ და ზურაბ პატარაძემ მთავრობის ადმინისტრაციაში გამართეს შეხვედრა. უკრაინის პრეზიდენტი ბათუმიდან დღეს გაემგზავრება.

უკრაინის დელეგაციას წარმოადგენდნენ : უკრაინის ევროპული და ევრო-ატლანტიკური ინტეგრაციის ვიცე პრემიერ-მინისტრი კლიმპუშ ცინცაძე ივანა, უკრაინის ინფრასტრუქტურის მინისტრი ვოლოდიმირ ომელიანი, საგარეო პოლიტიკისა და ევროპული ინტეგრაციის დეპარტამენტის უფროსი იჰორ ჟოვკა, უკრაინის ეკონომიკური განვითარებისა და ვაჭრობის მინისტრის მოადგილე მიხაილო ტიტარჩუკი, ხვიჩა მეფარიშვილი-უკრაინის პარლამენტის წევრი და საქართველოსთან შიდა საპარლამენტო ურთიერთობების ჯგუფის ხელმძღვანელი ხვიჩა მეფარიშვილი.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს