„ეს არის სრულიად უსაფუძვლო განცხადება და ძალიან დასანანია, რომ პრეზიდენტის ადმინისტრაციის მხრიდან სწორედ ამ საკითხის და, ზოგადად, „ამბასადორიალის“ პოლიტიზება ხდება“, - ასე გამოეხმაურა საქართველოს საგარეო საქმეთა მინისტრი მიხეილ ჯანელიძე პრეზიდენტის საერთაშორისო მდივნის, თენგიზ ფხალაძის განცხადებას.

როგორც ჯანელიძემ აღნიშნა, პარლამენტის თავმჯდომარემ „ამბასადორიალის“ მონაწილეებს განხორციელებულ ნაბიჯების და მიმდინარე პროცესების შესახებ მიაწოდა ინფორმაცია.

„მოგახსენებთ, რომ „ამბასადორიალის“ ფარგლებში არსებობს შესაძლებლობა ყველა აზრის გამოხატვის და მოსმენის. ჩვენ ვისაუბრეთ სამოქალაქო საზოგადოების მოხსენებებზე, მათი პოზიციების გაცნობაზე და ასე შემდეგ. ამიტომ ეს განცხადება არის სრულიად უსაფუძვლო და ამ პროცესის პოლიტიზებას ემსახურება. მინდა მოვუწოდო დანარჩენ პირებს, რომლებიც ასევე გამოეხმაურნენ ამ უსაფუძვლო განცხადებას, რომ საგარეო საქმეთა სამინისტრო დღეს არის სრულიად დეპოლიტიზებული, ასრულებს თავის მოვალეობას მსოფლიოს მასშტაბით და დღეს ჩვენ გვქონდა დიდი პატივი, გვემასპინძლა პარლამენტის თავმჯდომარისთვის, რომელმაც ძალიან მნიშვნელოვანი რეფორმების შესახებ მიაწოდა ინფორმაცია ჩვენს დიპლომატებს, მათ შორის, საკონსტიტუციო რეფორმის შესახებ, რომელიც ძალიან მნიშვნელოვანია. გასულ წელს იყო მცდელობა, დაებრალებინათ ჩვენთვის და ხელისუფლებისთვის, რომ ხდება დიპლომატების პოლიტიზება. ეს იყო გადმონაშთი იმ ძველი ტრადიციების, როდესაც ნამდვილად ეძლეოდათ პოლიტიკური დავალებები დიპლომატიური მისიების ხელმძღვანელებს და ისინი პოლიტიკური დღის წესრიგით მოქმედებდნენ. დღეს დიპლომატიური კორპუსის ხელმძღვანელები მოქმედებენ ქვეყანაში მიმდინარე პროცესებზე სწორი ინფორმაციის მიწოდების პრინციპით და სწორედ ეს იყო პარლამენტის თავმჯდომარის მიმართვის საფუძველი", - განაცხადა ჯანელიძემ.

ცნობისთვის, თენგიზ ფხალაძემ დღეს განაცხადა, რომ ირაკლი კობახიძემ ელჩებს „პარტიული დავალებები“ მისც.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს