საქართველოს იუსტიციის მინისტრის, თეა წულუკიანის განცხადებით, პროკურატურამ უკრაინულ მხარეს ყოფილი პრეზიდენტის, მიხეილ სააკაშვილის ექსტრადირების მოთხოვნით ორჯერ მიმართა, თუმცა ორივეჯერ უარი მიიღო.

როგორც წულუკიანმა აღნიშნა, ქართული მხარე სააკაშვილის გადმოცემას დასაბუთებული მტკიცებულებების საფუძველზე ითხოვდა.

„ჩვენ საქართველოს მთავარი პროკურატურიდან ორჯერ მივმართეთ ოფიციალურად უკრაინულ მხარეს სააკაშვილის გადმოცემის მოთხოვნით და ორივეჯერ მივიღეთ ოფიციალურად უარი. ჩვენი მოთხოვნა დასაბუთებული იყო, მტკიცებულებები არის გაგზავნილი და ამავე მტკიცებულებების საფუძველზე უკრაინულ მხარეს შეუძლია მიიღოს ის გადაწყვეტილება, რომელიც მისთვის არის ამ ეტაპზე უკვე მისაღები. თუმცა, რა თქმა უნდა პროკურორები გააგრძელებენ თანამშრომლობას და როგორც უკრაინის პრეზიდენტმაც განაცხადა, ეს ვერ იქნება პოლიტიკური პროცესი, ეს არის მტკიცებულებების საკითხი და მტკიცებულებები მეტყველებს ბატონი სააკაშვილის საზიანოდ“, - განაცხადა თეა წულუკიანმა.

ცნობისთვის, გუშინ უკრაინის პრეზიდენტმა პეტრო პოროშენკომ განაცხადა, რომ ქართლ მხარეს უკრაინისთვის მიხეილ სააკაშვილის ექსტრადირების მოთხოვნით არ მიუმართავს და შესაბამისად, საკითხი არ განხილულა. მანვე, მოგვიანებით „საზოგადოებრივ მაუწყებელთან“ ინტერვიუში განმარტა: „გადავამოწმე ინფორმაცია და უკრაინამ გასცა ექსტრადირებაზე უარყოფითი პასუხი და მოითხოვა დამატებითი ინფორმაცია“.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს