„ევროკავშირთან ურთიერთობებში შემდგომი პროგრესის მიღწევა ჩვენი მთავრობის პრიორიტეტებთან ერთად, ქართული საზოგადოების დაკვეთის შესრულება და მოლოდინებისადმი ხელისუფლების ერთგულებაა“, - ამის შესახებ პრემიერ-მინისტრმა გიორგი კვირიკაშვილმა „ამბასადორიალი 2017“-ის გახსნაზე სიტყვით გამოსვლისას განაცხადა.

როგორც პრემიერმა აღნიშნა, საქართველოს საფუძვლიანად ადგას ევროპული ინტეგრაციის გზას.

მისივე თქმით, ასოცირების ხელშეკრულების ღრმა და ყოვლისმომცველი თავისუფალი  სავაჭრო სივრცის ფარგლებში, ევროკავშირის წევრ ქვეყნებთან ურთიერთობები უფრო და უფრო ღრმავდება.

„ქვეყნის მიერ მიღწეული პროგრესის ნათელი გამოხატულება იყო  გასული წლის  ოქტომბერში ჩატარებული არჩევნები, რომლებმაც ერთხმად დადებითი საერთაშორისო შეფასება მიიღო.  ბოლო რამდენიმე წლის განმავლობაში  საქართველო გამოკვეთილ რეგიონულ  ლიდერად იქცა დემოკრატიის კონსოლიდაციის თვალსაზრისით, რაც უზრუნველყოფს ადამიანის უფლებების დაცვას, კანონის  უზენაესობას, კარგ მმართველობას და სასამართლოს სისტემის მზად დამოუკიდებლობას. საქართველოს  საფუძვლიანად ადგას ევროპული ინტეგრაციის გზას, ასოცირების ხელშეკრულებისა და ღრმა და ყოვლისმომცველი თავისუფალი სავაჭრო სივრცის ფარგლებში ევროკავშირის წევრ ქვეყნებთან ურთიერთობები ყოველ წლიურად უფრო და უფრო ღრმავდება. უვიზო მიმოსვლა კიდევ უფრო დააახლოვებს საქართველოს ევროპას და გაღრმავდება პროფესიული და ადამიანური კავშირები  ევროპის ქვეყნებთან. გასულმა წელმა კიდევ უფრო უალტერნატივო გახადა  საქართველოს ევროპული გზა, რომელსაც საზოგადოების დიდი უმრავლესობა უჭერს მხარს. ამგვარად ევროკავშირთან ურთიერთობებში შემდგომი პროგრესის მიღწევა ჩვენი მთავრობის პრიორიტეტებთან ერთად არის ქართული საზოგადოების დაკვეთის შესრულება და მაღალი მოლოდინებისადმი ხელისუფლების ერთგულება“,-აღნიშნა პრემიერმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს