"ევროპული პოლიტიკის ცენტრის" ანალიტიკოსის, ამანდა პოლის განცხადებით, რუსეთი საქართველოს ტერიტორიების ოკუპაციას აგრძელებს.

როგორც პოლმა ჟურნალისტებს განუცხადა, ყველამ იცის, რომ თუ საჭირო გახდა, რუსეთი მზადაა სამხედრო ძალა გამოიყენოს.

მისივე თქმით,  საქართველომ პრობლემების გადაწყვეტა მშვიდობიანი გზით უნდა გააგრძელოს.

"ჩვენ ვნახეთ, თუ რისი გაკეთებისთვის იყო რუსეთი მზად 2008 წელს, უდაოდ არავის სურს ამის გამეორება. ვიცით, რომ თუ საჭირო გახდა, რუსეთი მზადაა გამოიყენოს სამხედრო ძალა, გადაწყვეტის გზები უნდა მონახონ დიპლომატებმა, სამშვიდობო გზები და არა სამხედრო ძალის წნეხით. ამავდროულად ვხედავთ, რომ რუსეთი კვლავ წევს საზღვარს და საქართველოს ტერიტორიების კიდევ უფრო მეტ ნაწილს იკავებს. ვფიქრობ, ახლა საქმე საერთაშორისო საზოგადოებაზეა, რომ შესაძლებლობების ფარგლებში აჩვენონ შესაბამისი პასუხი, რომ დააწესონ რუსეთის მიმართ სანქციები საქართველოს ტერიტორიების ოკუპაციის გამო. საქართველომ კი უნდა გააგრძელოს პრობლემის სამშვიდობო გადაწყვეტა და არ მიიღოს ის ზომები, რაც მიღებულ იქნა 2008 წელს", - აღნიშნა პოლმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია