„თბილისის ქუჩაში დღეს გასამართი რუსული ფაშისტური მარში, ქართველი თვითმარქვია პატრიოტების შესრულებით, არის ხელისუფლების სინდისზე“, - ამის შესახებ „ნაციონალური მოძრაობის“ წევრ რომან გოცირიძე „ქართველთა მარშთან“ დაკავშირებით, Facebook-ის საკუთარ გვერდზე წერს.

როგორც გოცირიძე აცხადებს, დღევანდელი მარშის ორგანიზატორების ნაწილი რუსულ სპეცსამსახურებთან და პოლიტიკურ წრეებთან არის დაკავშირებული.

„ყველაზე გამანადგურებელი სიტყვები ცრუპატრიოტების შესახებ ეკუთვნის სამუელ ჯეკსონს, რომელიც ამბობდა, რომ პატრიოტიზმი არის ნაძირლების უკანასკნელი თავშესაფარი.

არც ოლდოს ჰაქსლი აკლებს: ”პატრიოტიზმის განსაკუთრებული მიმზიდველობა არის იმაში, რომ მის საფარქვეშ მოკალათებულმა შეიძლება წამლო, აშინო და ატყუო, თანაც, ღრმა კეთილისმყოფელი გრძნობით”!

თბილისის ქუჩაში დღეს გასამართი რუსული ფაშისტური მარში, ქართველი თვითმარქვია პატრიოტების შესრულებით, არის ხელისუფლების სინდისზე. მათი ორგანიზატორები ხელისუფლების მხარდამჭერი აქტივისტები და ყოფილი მაღალჩინოსნები არიან.

ეს არის რუსული ჰიბრიდული ომის ნაირსახეობა და მათი ორგანიზატორების ნაწილი პირდაპირ კავშირში არიან რუსულ სპეცსამსახურებთან და პოლიტიკურ წრეებთან.

ინტერესი? როგორც ყოველთვის, ძალიან მარტივი-ფული ან ძალაუფლება.

თუმცა რამ გაყო ეს ორი ერთმანეთისაგან?!“, - წერს რომან გოცირიძე.

ცნობისთვის, დღეს აღმაშენებლის გამზირზე „ქართველთა მარში“ გაიმართება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს