2017-07-12 19:49:31, 2778 ნახვა
სამართალი კომენტარი
ირმა ჭკადუა: ოთარ აბესაძე თავს ფსიქოლოგიურად ძალიან ცუდად გრძნობს, მას დამშვიდება სჭირდება
კორუფციის ბრალდებით დაკავებული ოთარ აბესაძის ადვოკატმა, მისი დაცვის ქვეშ მყოფი წინასწარი დაკავების იზოლატორში მოინახულა.
ე.წ. მოდულის შენობა ირმა ჭკადუამ ცოტა ხნის წინ დატოვა.
როგორც ადვოკატმა აღნიშნა, მერიის ყოფილი თანამშრომელი თავს ფსიქოლოგიურად ცუდად გრძნობს და დამშვიდება სჭირდება. შეკითხვაზე - აღიარებს თუ არა აბესაძე ბრალს, ჭკადუას პასუხი ჯერჯერობით არ აქვს.
"დაკავებული თავს ფსიქოლოგიურად ძალიან ცუდად გრძნობს, გამომდინარე აქედან, ჩვენ დიდი ხანი ვერ ვისაუბრეთ მასთან. მას სჭირდება ცოტა ხანი დამშვიდება, ჩვენ მოგვიანებით კიდევ მოვინახულებთ და მასთან შევაჯერებთ იმას, თუ რა კომენტარი უნდა გავაკეთოთ", - განაცხადა ჭკადუამ.
ცნობისთვის, თბილისის მერიის თანამშრომელი ოთარ აბესაძე სუს-მა დღეს დააკავა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
