ე.წ. ციანიდის საქმის პროკურორის, ზვიად გუბელაძის განცხადებით, დღევანდელ სასამართლო პროცესზე ერთ-ერთი შპს-ს დირექტორი დაიკითხა, რომელმაც განმარტა, რომ ბრალდებული გიორგი მამალაძე სხვადასხვა შპს-ში გაფორმებული იყო შპს-ს მამაოდ.

მისივე თქმით, გიორგი მამალაძე იღებდა სხვადასხვა რაოდენობის ხელფასს და მათ შორის საახალწლოდ პრემიებსაც.

„ნაცვლად იმისა, რომ ბრალდებულს სხვადასხვა სასულიერო მოღვაწეობა განეხორციელებინა, ის დაკავებული იყო ანგარებით და უსაფუძვლო გამდიდრებით, მათ შორის საპატრიარქოს ქონების მეშვეობით“, - განაცხადა გუბელაძემ.

მისივე ინფორმაციით, დღესვე დაიკითხა საპატრიარქოს ერთ-ერთი იურისტი და სოსო ნადარეიშვილი, რომელსაც პროკურორის განმარტებით გიორგი მამალაძე თავდაპირველად სთხოვდა გველის შხამს.

„საპატრიარქოს იურისტმა განმარტა, რომ ბრალდებულის საჯარო განცხადებები სხვადასხვა კორუფციულ სქემებთან და უძრავ ქონებებთან დაკავშირებით არ შეესაბამება სიმართლეს. ის გახლავთ იურისტი და მან განმარტა, რომ ბრალდებულის ეს განცხადებები არის სიცრუე, დაუსაბუთებელი და საპატრიარქოს ქონებების უსაფუძვლო განკარგვა-განიავება არ ხდებოდა. დღევანდელ სასამართლო პროცესზე კარგად წარმოჩნდა ბრალდებულის პიროვნება. დავსვით კითხვა, რას აკეთებდა ბრალდებული აღნიშნულ შპს-ში, რატომ იღებდა ყოველთვიურად ხელფასს და მათ შორის საახალწლოდ პრემიებსაც, რას ნიშნავს შპს-ს მამაო და არსებობს თუ არა ზოგადად ასეთი ტერმინი“, - აღნიშნა ზვიად გუბელაძემ.

ამასთან, გუბელაძემ კითხვაზე - თუ რა კავშირი ჰქონდა მიმდინარე საქმესთან ანალიტიკოს არჩილ გამზარდიას ჩვენებას, გუბელაძემ განმარტა, რომ არჩილ გამზარდიამ, როგორც ანალიტიკოსმა საკუთარი ვარაუდები გამოთქვა პატრიარქთან დაკავშირებით და ვინაიდან გამოძიება სრულყოფილად და ობიექტურად უნდა ჩატარდეს, ყველა მოწმის ჩვენება მნიშვნელოვანია.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა