„ლავროვის განცხადება კიდევ ერთხელ მარწმუნებს, რომ ჩვენ სწორ და თანმიმდევრულ გზას ვადგავართ“,-ასე გამოეხმაურა ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრი ვიქტორ დოლიძე რუსეთის საგარეო  უწყების ხელმძღვანელის სერგეი ლავროვის განცხადებას, რომლის თანახმადაც ამიერკავკასიაში არასტაბილურობის პროვოცირება საქართველოს ნატო-ში გაწევრიანების მცდელობით  ხდება.

დოლიძის თქმით,  საქართველოში პარალელურად ზოგიერთი არასახელმწიფოებრივად მოაზროვნე ოპოზიციონერისგანაც ისმის მსგავსი განცხადებები.

„ლავროვის განცხადება კიდევ ერთხელ მარწმუნებს ჩვენი კურსის, ჩვენი ქმედებების  თანმიმდევრულობაში, სისწორეში. ე.ი. ჩვენ სწორ გზას ვადგავართ. ძალიან ცუდია და გულდასაწყვეტია ის, რომ მიუხედავად ჩვენი კონსტრუქციული  სწორი, თანმიმდევრული და  ინტეგრაციის პარალელურად  რუსეთთან ურთიერთობის ნორმალიზების  ნაბიჯების მიუხედავად, ლავროვი მაინც ამ სიტყვებით გველაპარაკება და ამგვარ განცხადებებს აკეთებს. ძალიან სამწუხაროდ პარალელურად  საქართველოშიც ზოგიერთი არასახელმწიფოებრივად მოაზროვნე ოპოზიციონერის მხრიდანაც მომისმენია ამგვარი განცხადებები და  ძალიან თანხვედრაში მხვდება ხოლმე“,-განაცხადა ვიქტორ დოლიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს