„პრაღის ფორმატზე ითქვა, რომ გარკვეული ჰუმანიტარული ურთიერთობები რუსეთის ფედერაციასთან აღდგა, მაგრამ სამწუხაროდ ეს ურთიერთობები საქართველოს ოკუპირებული ტერიტორიების მიმართ რუსეთის პოლიტიკაზე არ აისახა“,-ამის შესახებ პრემიერ-მინისტრის სპეციალურმა წარმომადგენელმა რუსეთთან ურთიერთობის საკითხებში ზურაბ აბაშიძემ პრესკონფერენციაზე ჟურნალისტებს განუცხადა.

აბაშიძემ ბრიუსელში გამართულ შეხვედრებზე ისაუბრა და აღნიშნა, რომ ევროკავშირის წარმომადგენლებმა კიდევ ერთხელ დაადასტურეს საქართველოს პოლიტიკის მხარდაჭერა რუსეთის ფედერაციასთან ურთიერთობაში და ხაზი გაუსვეს დიალოგის შენარჩუნების აუცილებლობას.

„ბრიუსელში შეხვედრები გვქონდა ევროკავშირის სტრუქტურებში მე და დავით დონდუას. შეხვედრა გაიმართა ევროპული საგარეო ქმედებათა სამსახურის გენერალური მდივნის მოადგილესთან ჟან კლისტო ბელიართან0, ასევე გენერალურ მდივანთან ჰელგა შმიდტთან, გაიმართა ძალიან საინტერესო შეხვედრა პოლიტიკური კომიტეტის წევრ ქვეყნების ელჩებთან. შედგა საუბარი საქართველო ევროკავშირის თანამშროლობის თემატიკაზე, რეგიონში არსებულ ვითარებაზე  უსაფრთხოების კუთხით, ჩვენს ურთიერთობებზე რუსეთთან. დავით დონდუამ დეტალურად  ისაუბრა ჟენევაში მიმდინარე საერთაშორისო დისკუსიებზე. ჩვენს კოლეგებს გავაცანი პრაღის ფორმატის მიმდინარეობა, ვისაუბრეთ იმ სირთულეებზე, რომლებიც შექმნილია ოკუპირებულ ტერიტორიებზე, საოკუპაციო ხაზზე, მათ შორის ბოლო ხანს განვითარებულ მოვლენებზე სოფელ ბერშუეთთან. ამ თემაზე იყო საკმაოდ დეტალური საუბარი. რაც  შეეხება პრაღის ფორმატს, ითქვა, რომ სავაჭრო ურთიერთობები, გარკვეული ჰუმანიტარული ურთიერთობები აღდგა რუსეთის ფედერაციასთან, მაგრამ სამწუხაროდ ეს ურთიერთობები არ აისახა რუსეთის პოლიტიკაზე საქართველოს ოკუპირებული ტერიტორიების მიმართ. თავის მხრივ, ევროკავშირის წარმომადგენლებმა კიდევ ერთხელ დაადასტურეს საქართველოს პოლიტიკის მხარდაჭერა რუსეთის ფედერაციასთან ურთიერთობაში და ხაზი გაუსვეს კომუნიკაციის, დიალოგის შენარჩუნების აუცილებლობას“,-განაცხადა ზურაბ აბაშიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია