2017-07-09 19:14:51, 2582 ნახვა
პოლიტიკა
პრემიერი: ოპოზიციის დიდი ნაწილი არ არის კონსტრუქციულად განწყობილი იმისკენ, რომ ფართო კონსენსუსს მივაღწიოთ
„სამწუხაროდ, ოპოზიციის დიდი ნაწილი კონსტრუქციულად არ არის განწყობილი იმისკენ, რომ უფრო ფართო კონსენსუსს მივაღწიოთ“, - ამის შესახებ საქართველოს პრემიერ-მინისტრმა გიორგი კვირიკაშვილმა ჟურნალისტებს განუცხადა.
პრემიერის თქმით, მმართველი გუნდი მზად არის ოპოზიციურ პარტიებთან მოლაპარაკებებში ჩაერთოს.
"დღეს საკითხი ორი მოსმენით დასრულებულია. მზად ვართ, კიდევ გადავდგათ ნაბიჯები იმისათვის, რომ ვიპოვოთ საკითხები, რომელიც გარკვეულწილად შეარბილებს ამ ფონს და რაღაც დონის კომპრომისი იქნება ჩვენი მხრიდან. ამისთვის, ჩვენ მზად ვართ, ჩავერთოთ ოპოზიციურ პარტიებთან მოლაპარაკებებში. ხაზს ვუსვამ, ოპოზიციური პარტიების ნებისმიერ წარმომადგენელს აქვს საშუალება, ამ დიალოგში ჩაერთოს", - განაცხადა კვირიკაშვილმა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
