დემირელის კოლეჯის ხარისხის მართვის მენეჯერის, მუსტაფა ემრე ჩაბუქის მიერ თავშესაფრის მოთხოვნის შესახებ მიღებულ გადაწყვეტილებას საქართველოს ოკუპირებული ტერიტორიებიდან იძულებით გადაადგილებულ პირთა, ლტოლვილთა და განსახლების სამინისტრო დაცვის მხარეს დღეს გადასცემს.

ამის შესახებ „ექსპრესნიუსს“ სამინისტროდან აცნობეს:

 „თურქეთის რესპუბლიკის მოქალაქემ მუსტაფა ემრე ჩაბუქმა 2017 წლის 31 მაისს, საერთაშორისო დაცვის მოთხოვნით,  საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს მომართა.

სამინისტრომ განიხილა აღნიშნული განაცხადი „საერთაშორისო დაცვის შესახებ“ საქართველოს კანონის დაცვით.

უწყების ინფორმაციით, აღნიშნული კანონის თანახმად, ექსტრადიციისადმი დაქვემდებარებული პირის მიერ  საერთაშორისო დაცვის მოთხოვნით წარმოდგენილი განცხადება სამინისტრომ უნდა განიხილოს საექსტრადიციო დოკუმენტაციის მიღებიდან არაუგვიანეს ერთი თვისა.

სამინისტროს მიერ მომზადებული გადაწყვეტილება 2017 წლის 7 ივლისს ხელზე გადაეცემა მუსტაფა ემრე ჩაბუქის ინტერესების დამცველ ადვოკატს“, - ნათქვამია სამინისტროს განცხადებაში.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე ძმებ ფეიქრიშვილებზე: გამოძიება დაადგენს, მათ შორის, ციხის ადმინისტრაციის შესაძლო როლსაც

კობახიძე - გიორგი ნემსაძის გარდაცვალება უდიდესი დანაკარგია ქართული ფეხბურთისთვის

ნაკრების ყოფილი კაპიტანი გიორგი ნემსაძე 54 წლის ასაკში გარდაიცვალა

საკონსტიტუციო სასამართლოს სხდომიდან გააძევეს ხატია დეკანოიძე - ივანიშვილის დაკითხვის შუამდგომლობა არ დაკმაყოფილდა