„ნაციონალური მოძრაობის“ წევრის ნიკა რურუას განცხადებით, პარლამენტის თავმჯდომარემ კონსტიტუციის ისტორია არ იცის და ვერ ხვდება, რომ კონსტიტუცია ერთი პარტიის წესდება არ არის.

როგორც რურუამ ჟურნალისტებს განუცხადა, კონსტიტუციასთან დაკავშირებით, ერთადერთი გამოსავალი პარლამენტში საკონსტიტუციო პროექტის განხილვის შეჩერება და საკონსტიტუციო პროცესის თავიდან დაწყებაა.

რურუას განცხადებით, კომპრომისი ოპოზიციამ კი არ უნდა შესთავაზოს, არამედ კომპრომისი ხელისუფლებამ უნდა გააკეთოს, რომელმაც „ოლიგარქიული, ყოვლად უვარგისი კონსტიტუციის მოდელი სცადა მოეხვია საზოგადოებისთვის თავზე“.

„საზოგადოებამ ეს არც მიიღო და არც მიიღებს. კომპრომისი ამ წუთას არის ერთი რამ - მთელი პროცესი დაიწყოს თავიდან. თუ იქნება ნება და მიხვდება ივანიშვილი, რომ ამ კონსტიტუციას არ ექნება ლეგიტიმაცია, რადგან ეს არის ერთი პარტიის მიერ ხელების გრეხვით შექმნილი და მიღებული, ყველაფრის დაწყება შეიძლება თავიდან.  მთავარი არის ნება, რომელიც არ ეტყობა ამ ჯინიან ახალგაზრდას, რომელსაც უჭირავს სპიკერის პოზიცია. მას თავიდან ბოლომდე არ ესმის კონსტიტუციის მნიშვნელობა. ის არის უვიცი“,-განაცხადა ნიკა რურუამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს