2017-06-29 20:11:48, 2341 ნახვა
კომენტარი
ზვიად გუბელაძე: ირაკლი ფირცხალავასთან ბევრი კრიტიკული შეკითხვა გვექნება
პროკურორი ზვიად გუბელაძე იმ მიზეზებს განმარტავს, რის გამოც ბრალდების მხარე ეწინააღმდეგებოდა ძალოვანი უწყების ყოფილი მაღალჩინოსანის ირაკლი ფირცხალავას დაკითხვას.
გუბელაძის თქმით, ირაკლი ფირცხალავას საქმესთან შემხებლობა არ აქვს და ირაკლი მამალაძის მიმართ გაკეთებული განცხადება, უსაფუძვლო და დაუსაბუთებელია.
"თუმცა, მაინც დაკმაყოფილდა დაცვის მხარის შუამდგომლობა. დაიკითხება ირაკლი ფირცხალავა და მასთან გვექნება საკმაოდ ბევრი კრიტიკული შეკითხვა", - განაცხადა პროკურორმა.
ცნობისთვის, ე.წ. ციანიდის საქმეზე დაცვის მხარის მოწმედ, დიდუბე-ჩუღურეთის რაიონის პოლიციის ყოფილი უფროსი ირაკლი ფირცხალავა დაიკითხება.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
