პარტია ,,რეფორმატორების'' თავმჯდომარე ირაკლი ღლონტი, საკონსტიტუციო ცვლილების პროექტში, უცხოეთში მყოფი თანამემამულეების მიმართ, სახელმწიფოს მიერ აღებულ ვალდებულებასთან დაკავშირებული ახალი ნორმის შესახებ განცხადებას ავრცელებს.

კერძოდ, ირაკლი ღლონტი მიესალმება ჩანაწერს, რომლითაც სახელმწიფო საკუთარ თავზე იღებს ვალდებულებას, იზრუნოს ქვეყნის ფარგლებს გარეთ მყოფი თანამემამულეების სამშობლოსთან კავშირის შენარჩუნებასა და განვითარებაზე.

 თუმცა, მიიჩნევს, რომ სახელმწიფომ კონსტიტუციურ ვალდებულებად უნდა მიიჩნიოს ემიგრანტთა სამშობლოში დბარუნება.

,, მმართველი ძალის მიერ მომზადებული საკონსტიტუციო ცვლილების პროექტის მიხედვით, კონსტიტუციაში ჩნდება ახალი ჩანაწერი - ნორმა, რომლითაც სახელმწიფო საკუთარ თავზე იღებს ვალდებულებას, იზრუნოს ქვეყნის ფარგლებს გარეთ მყოფი თანამემამულეების სამშობლოსთან კავშირის შენარჩუნებასა და განვითარებაზე. მიმაჩნია, რომ ეს ფაქტი უდაოდ იმსახურებს პოზიტიურ შეფასებას, თუმცა უფრო დადებით შეფასებას მივცემდი ნორმას, თუ მისი შინაარსი ქვეყნის ფარგლებს გარეთ მყოფი თანამემამულეების სამშობლოსთან კავშირის,,შენარჩუნებისა და განვითარების'' გარდა, შეიცავდა უცხოეთში მყოფი თანამემამულეების სამშობლოში დაბრუნებისთვის საჭირო პოლიტიკის გატარების ვალდებულების აღებასაც.სახელმწიფომ კონსტიტუციურ ვალდებულებად უნდა მიიჩნიოს ემიგრანტთა სამშობლოში დბარუნება. საკონსტიტუციო ცვლილების პროექტის მიმართ ჩემი დამოკიდებულება საყოველთაოდ ცნობილია, თუმცა უცხოეთში მყოფი 1 700 000-მდე თანამემამულის მიმართ გადადგმული ნებისმიერი სწორი ნაბიჯი ჩემს მიერ ყოველთვის იქნება სათანადოდ შეფასებული '' - ნათქვამია განცხადებაში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს