2017-06-24 11:19:26, 2979 ნახვა
მსოფლიო
ჩინეთში მეწყერი ჩამოწვა - ნანგრევებში 100-ზე მეტი ადამიანია
ჩინეთის პროვინცია სიჩუანში მეწყერი ჩამოწვა, - ამის შესახებ BBC იუწყება.
მედია საშუალების ინფორმაციით, მიწამ 100-ზე მეტი ადამიანი მოიყოლა.
სტიქიის შედეგად, ერთ-ერთ სოფელში 40-მდე სახლი განადგურდა. მთის ერთი ნაწილი, ადგილობრივი დროით, დილის 06:00 საათზე მოწყდა.
როგორც მედია წერს, სამაშველო ოპერაცია ამ წუთებშიც მიმდინარეობს. მაშველები დაკარგული ადამიანების პოვნას და ნანგრევებიდან მათ ამოყვანას ცდილობენ.
ცნობისთვის, მსგავსი ფაქტი მიმდინარე წლის იანვარშიც მოხდა. მეწყერი საკურორტო ზონაში მდებარე სასტუმროს ჩამოაწვა, რის შედეგადაც 12 ადამიანი დაიღუპა.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
