საკონსტიტუციო ცვლილებების გარდამავალ დებულებებში 2020 წლის საპარლამენტო არჩევნების არსებული - შერეული საარჩევნო სისტემით ჩატარების საკითხი აისახა.

კონსტიტუციის ახალი რედაქციის გარდამავალ დებულებებში ნათქვამია, რომ საქართველოს პარლამენტის მომდევნო არჩევნებში არჩეული პარლამენტი შედგება საყოველთაო, პირდაპირი საარჩევნო უფლების საფუძველზე, ოთხი წლის ვადით პროპორციული სისტემით არჩეული 77 და მაჟორიტარული სისტემით არჩეული 73 პარლამენტის წევრისაგან.

პარლამენტის არჩევის წესზე საუბრისას, ირაკლი კობახიძემ განაცხადა, რომ ბონუსის სისტემასთან დაკავშირებით გათვალისწინებული იქნა ვენეციის კომისიის რეკომენდაცია და ბონუსისთვის დაწესდა ზღვრები.

„37-ე მუხლი არის საკვანძო ნორმა, რომლითაც იცვლება საარჩევნო სისტემა. ძირითადი დებულებებით გათვალისწინებულია გადასვლა პროპორციულ საარჩევნო სისტემაზე, რომელიც არა შემდგომი არჩევნებიდან, არამედ გარდამავალი დებულებების თანახმად იმის შემდგომი არჩევნებიდან ამოქმედდება. ეს არის ძალიან მნიშვნელოვანი, ფუნდამენტური ცვლილება. დღემდე ასეთი ცვლილება არც ერთ ხელისუფლებას არ განუხორციელებია“, - განაცხადა პარლამენტის თავმჯდომარემ.

მისივე თქმით, პარლამენტის 150 წევრი აირჩევა პროპორციული წესით და მოქმედებს ე.წ. ბონუსის სისტემა, რომელიც გამოიყენება იმ შემთხვევაში თუ გამარჯვებული პარტია ამომრჩეველთა ხმების დაახლოებით 38-დან 44%-მდე მიიღებს. „ამ შემთხვევაში, შეიძლება შეევსოს შესაბამის პარტიას მანდატები აბსოლუტურ უმრავლესობამდე“,-განმარტა ირაკლი კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ორბანის გადადგომის შემდეგ უნგრეთმა რუსეთის მოქალაქეებზე ვიზების გაცემა შეაჩერა

საია: ხოშტარია პოლიტპატიმარია, მისთვის ადეკვატური მკურნალობა უნდა იყოს უზრუნველყოფილი

ოპოზიციონერ ზვიად კუპრავას სასამართლომ 2 წლითა და 6 თვით თავისუფლების აღკვეთა მიუსაჯა

ხოშტარია - არ არსებობს მდგომარეობა, როდესაც რომელიმე „ქოცი“, ბიძინა ივანიშვილით დაწყებული პატარა ზარქუათი დამთავრებული მსხვერპლის როლში დამინახავს