არგენტინის ეროვნული ნაკრებისა და საფეხბურთო კლუბ „ბარსელონას“ ფეხბურთელ ლიონელ მესის, ესპანეთის უზენაესმა სასამართლომ საპატიმრო ვადა ჯარიმით შეუცვალა, - ამის შესახებ BBC იუწყება.

მედია საშუალების ინფორმაციით, ფეხბურთელმა 225 ათასი ევრო უნდა გადაიხადოს. ლიონელ მესის 2 მილიონი ევროს გადახდა გასულ წელსაც დააკისრეს.

შეგახსენებთ, რომ 2016 წლის ივლისში ფეხბურთელს და მის მამას 21 თვიანი პატიმრობა მიუსაჯეს. მიმდინარე წლის მაისში მესის მამას ვადა 15 თვემდე შეუმცირდა, თავად ფეხბურთელის ვადა უცვლელი დარჩა.

ბრალდების მხარის განცხადებით, ლიონელ მესიმ 4 მილიონ 100 ათასი ევროს ოდენობის გადასახადები არ გადაიხადა. სასამართლო პროცესზე ფეხბურთელმა აღნიშნა, რომ ფინანსების განკარგვაში არ მონაწილეობდა და მხოლოდ ფეხბურთით იყო დაკავებული. ესპანური კანონმდებლობის მიხედვით, 2 წელზე ნაკლები სასჯელი პირობითად ითვლება და მსჯავრდებულს არ აპატიმრებენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24-25 სექტემბერს საქართველოს უმეტეს ტერიტორიაზე მოსალოდნელია ნალექი

სოლიდარობა KORDZ-ს, გამოხატვის თავისუფლება უზენაესია - მუსიკოსთა პროფკავშირი

OpenAI-ის ხელოვნურმა ინტელექტმა პირველად შეუტია სამთავრობო ვებსაიტს

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა