თავდაცვის ყოფილი მინისტრის თინა ხიდაშელის შეფასებით, ახალ კონსტიტუციას მომავალი არ აქვს. 

როგორც ხიდაშელმა აღნიშნა, კონსტიტუციის მთელი ხიბლი იმაში მდგომარეობს, რომ საზოგადოებრივი კონსენსუსი ქვეყანაში ძირითად ფუნდამენტურ ჩონჩხზე უნდა იყოს შემდგარი.

"ამ ქვეყანაში ვერც ერთი კონსტიტუცია ვერ უძლებს ერთზე მეტ ხელისუფლებას და სამწუხაროდ, ისევ იმავე რეალობაში ვართ და ამ კონსტიტუციასაც არავითარი შანსი არ აქვს მიაღწიოს იქამდე, რა ვადებსაც მასში წერენ. ეს ძალიან ცუდია, იმიტომ რომ კონსტიტუციის მთელი ხიბლი იმაში მდგომარეობს, რომ საზოგადოებრივი კონსენსუსი უნდა იყოს შემდგარი ქვეყანაში ძირითად ფუნდამენტურ ჩონჩხზე, რა ფუნდამენტზე დგას ესა თუ ის სახელმწიფო და ამის შემდეგ, პარტიები, არასამთავრობო ორგანიზაციები, მოქალაქეები ვდაობთ სხვადასხვა ტაქტიკურ თემაზე, მაგრამ სტრატეგიული მიმართულება, ქვეყანა რა გზით მიდის, კონსტიტუციაში უნდა ჩავწეროთ და ამაზე ყველა ერთად უნდა შეთანხმდეს“, - განაცხადა ხიდაშელმა.

თავდაცვის ყოფილი მინისტრის განმარტებით, უსაფრთხოების ნაწილში კონსტიტუციის აღნიშნულ მოდელს ორი მთავარი პრობლემა აქვს. 

„ამ კონსტიტუციას მომავალი არ აქვს. როგორც 2003 წელს მიშას მიღებულ კონსტიტუციას მომავალი არ ჰქონდა, ზუსტად იგივე მიზეზების გამო. უშიშროების საბჭოს გაქრობა გაქრობა არის ძალიან მძიმე ამბავი ქვეყნისთვის, რომელიც ოკუპაციის რეჟიმში ცხოვრობს და მუდმივი განგრძობადი ომის პირობებშია. მეორე პრობლემა არის ის, რომ მიუხედავად დაპირებისა, ეს რაღაცა სხვა შეიარაღებული ძალები ამ წუთის მდგომარეობით ისევ წერია ტექსტში“, - განაცხადა თინა ხიდაშელმა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ბიძინა და ეკატერინა ივანიშვილები შიო მესამეს - დღეიდან თქვენ გაკისრიათ საპატიო მისია, უხელმძღვანელოთ დედა ეკლესიას, იყოთ ერის და ბერის სულიერი მამა

არჩეული პატრიარქი შიო მესამედ იწოდა, ვინ იყვნენ შიო პირველი და შიო მეორე

შიო მუჯირი 22 ხმით სრულიად საქართველოს კათოლიკოს-პატრიარქი გახდა

ISFED: „ქართულმა ოცნებამ“ 2025 წელს ყველა სხვა პარტიაზე მეტი — 26.5 მილიონი ლარი მიიღო