გაერო-ს ბავშვთა ფონდის, UNICEF-ის ინფორმაციით, ერაყში 5 მილიონზე მეტი ბავშვი ჰუმანიტარულ დახმარებას საჭიროებს, - ამის შესახებ სააგენტო Reuters იუწყება.

როგორც ფონდის განცხადებაშია აღნიშნული, ერაყის ტერიტორიაზე ბავშვებს კლავენ, იტაცებენ და საომარ მოქმედებებში მონაწილეობას აიძულებენ.

"ერაყის ტერიტორიაზე ბავშვები ნამდვილი კოშმარის და წარმოუდგენელი ძალადობის მომსწრენი არიან. მათ კლავენ, იტაცებენ, აიძულებენ ისროლონ და მოკლან, აიძულებენ საომარ მოქმედებებში მონაწილეობა მიიღონ", - ნათქვამია განცხადებაში.

UNICEF-ის ცნობით, ერაყის ქალაქ მოსულში ტერორისტული დაჯგუფება "ისლამური სახელმწიფოს" მებრძოლები სამიზნეს სპეციალურად ბავშვებს ირჩევენ, იმისათვის რომ, მათ მშობლებზე კონტროლი იქონიონდა გაქცევის შესაძლებლობა არ მისცენ.

ცნობისთვის, ერაყში არსებული ვითარება "ისლამური სახელმწიფოს" არსებობის ფონზე კიდევ უფრო დაიძაბა. ტერორისტებს ქვეყნის ნაწილზე კონტროლი 2014 წლიდან აქვს მოპოვებული. ბოევიკები თავდასხმებს ახორციელებენ, რის შედეგადაც ხშირ შემთხვევაში მშვიდობიანი მოსახლეობა იღუპება, მათ შორის ბავშვები.

ქალაქ მოსულის გათავისუფლების ოპერაცია ქვეყანაში 2016 წლიდან მიმდინაროებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

24-25 სექტემბერს საქართველოს უმეტეს ტერიტორიაზე მოსალოდნელია ნალექი

სოლიდარობა KORDZ-ს, გამოხატვის თავისუფლება უზენაესია - მუსიკოსთა პროფკავშირი

OpenAI-ის ხელოვნურმა ინტელექტმა პირველად შეუტია სამთავრობო ვებსაიტს

პუტინის სპეციალური წარმომადგენელი უკრაინასთან დაკავშირებული მოლაპარაკებებისთვის თითქმის ერთი წლის შემდეგ პირველად აშშ-ში ჩავიდა