თბილისის მერის მოადგილე ირაკლი ლექვინაძე კომპანია „Dafang International Group“-ის პრეზიდენტ ლუ იუჰანგს შეხვდა. 

კომპანიის წარმომადგენლები თბილისში საინვესტიციო კლიმატითა და პროექტებით დაინტერესდნენ, ასევე, განიხილეს კულტურულ ტურიზმთან და სამშენებლო პროექტების განხორციელებასთან დაკავშირებული საკითხებიც.

თბილისის მერის მოადგილის ირაკლი ლექვინაძის განცხადებით,  შეხვედრაზე კომპანია „Dafang International Group“-ის წარმომადგენლებთან სამომავლო თანამშრომლობაზე შეთანმხდნენ. 

„ვფიქრობთ, რომ  საკმაოდ სოლიდური ჯგუფია. იმ ფონზე, როდესაც ქართულ-ჩინური ურთიერთობები აქტიურ რეჟიმშია და ვითარდება, ამ ტიპის თანამშრომლობა ურთიერთობებს კიდევ უფრო გააღრმავებს“,- განაცხადა ირაკლი ლექვინაძემ.

თბილისის მერიაში  კომპანია „Dafang International Group“-ის წარმომადგენლებთან შეხვედრას, თბილისის განვითარების ფონდის, არქიტექტურის,  ტრანსპორტისა და ეკონომიკური განვითარების საქალაქო სამსახურების წარმომადგენლები ესწრებოდნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი – ელენე ხოშტარიასთან დაკავშირებით რა გადაწყვეტილებებსაც მიიღებენ ექიმები, ისე იმოქმედებს პენიტენციური სამსახური

Flyone-მა კიშინაუდან ბათუმის მიმართულებით პირდაპირი ფრენები დაიწყო

შსს - უკანონო ბრუნვიდან ამოღებული 37 მილიონ ლარზე მეტი ღირებულების 700 კილოგრამამდე სხვადასხვა სახის ნარკოტიკული საშუალება განადგურდა

ივანიშვილის წარმომადგენელ პაპუაშვილს ჰქონია, რომ ცენზურა ქვეყანაში ევროკავშირის იმიჯის გამოსასწორებლად დააწესა