შეზღუდული შესაძლებლობის პირთა უფლებების დაცვის დღესთან დაკავშირებით აჭარის ა/რ ჯანმრთელობისა და სოციალური დაცვის მინისტრი ზაალ მიქელაძე და აჭარის ა/რ განათლების, კულტურისა და სპორტის მინისტრი ინგა შამილიშვილი, ქ. ბათუმის N13 საჯარო სკოლის აუტისტური სპექტრის მქონე მოსწავლეებს ეწვივნენ და მათ ტკბილეული მიართვეს.

აჭარის ჯანდაცვის სამინისტროს ინფორმაციით, ბათუმის N13 საჯარო სკოლაში, 2016-17 სასწავლო წლიდან შექმნილია სპეციალური ჯგუფი, რომელიც დაკომპლექტდა 10 აუტისტური სპექტრის მქონე მოსწავლით. სკოლაში შშმ მოსწავლეთათვის შექმნილია მათზე მორგებული, სასწავლო პროცესისათვის სათანადო პირობები და გარემო. სასწავლო პროგრამა განათლების ეროვნულ სასწავლო გეგმას ეფუძნება და ორიენტირებულია აუტისტური სპექტრის დარღვევის მქონე ბავშვების შესაძლებლობებსა და საჭიროებებზე. აღნიშნულ სკოლაში არსებობს სპეციალური გაკვეთილები, რომელიც ინტეგრირებული კლასის მოსწავლეებს ამავე სკოლის სხვა მოსწავლეებთან ერთად უტარდებათ.

„აჭარის ა/რ ჯანმრთელობისა და სოციალური დაცვის სამინისტრო 2018 წლისათვის ამზადებს ახალ პროგრამას, რომელიც აუტიზმის სპექტრის დარღვევების მქონე ბავშვთა სამედიცინო და სოციალურ რეაბილიტაციას ითვალისწინებს. პროგრამის ფარგლებში რეაბილიტაცია დაფინანსდება 2 -დან 15 წლის ასაკის ჩათვლით ბავშვებისათვის“, - აღნიშნა მინისტრმა ზაალ მიქელაძემ.

შეზღუდული შესაძლებლობის პირების უზრუნველყოფა სხვადასხვა საჭიროებებით, აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს ერთ-ერთი მთავრი პრიორიტეტია. ამ სტატუსის მქონე მოქალაქეები სამინისტროს ყვლა პროგარმის ბენეფიციარები არიან და მათ რიგითობის შემთხვევაში უპირატესობა ენიჭებათ. 

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუბიო: აშშ-მ „დაბადების ტურიზმის“ წინააღმდეგ ბრძოლის ფარგლებში ერთ თვეში 600-ზე მეტი ვიზა გააუქმა

აშშ-ის დაზვერვამ ევროპა გააფრთხილა, რომ პუტინი „ჰიბრიდულ“ თავდასხმას ამზადებს

უკრაინამ დაასახელა რუსული სამხედრო გემები, რომლებსაც ნოვოროსიისკში დაარტყეს

გომის მთაზე მიკროავტობუსის ხრამში გადავარდნის შედეგად ბელარუსიის ოთხი მოქალაქე ადგილზე დაიღუპა, 20 ადამიანი მათ შორის ორი ბავშვი დაშავდა