საქართველოს შინაგან საქმეთა მინისტრი გიორგი მღებრიშვილი დღეიდან კრიმინალური პოლიციის კურატორობას შეითავსებს.

ამის შესახებ მინისტრმა დედაქალაქისა და რეგიონების საპატრულო პოლიციის დეპარტამენტებთან თათბირზე განაცხადა.

როგორც მან აღნიშნა, ამიერიდან ე.წ. "შუა რგოლი" აღარ იარსებებს და დეპარტამენტების უფროსები ანგარიშვალდებულები უშუალოდ მასთან იქნებიან.

"დღეიდან კრიმინალური პოლიციის კურატორი პირადად მე ვიქნები, ყველა იმ დეპარტამენტის, რომელიც რეგიონში და თბილისშია, ასევე ცენტრალური კრიმინალური პოლიციის დეპარტამენტის და რა თქმა უნდა, საპატრულო პოლიციის, რომლის კურატორი აქამდეც გახლდით. პირველი მოადგილე ბესიკ ამირანაშვილი გადაყვანილი იქნება კადრების განკარგულებაში ვფიქრობ, თქვენთან ურთიერთობაში შუა რგოლი არ მჭირდება, უფრო აქტიურად უნდა ვიყო ჩართული იმ პროცესებში, რაც მიმდინარეობს საპატრულო პოლიციაში, კრიმინალურ პოლიციაში. ის კოორდინაცია, რომელიც დღემდე არსებობდა, უფრო ეფექტური რომ იყოს, ვფიქრობ, მინისტრის ხელში უნდა გადავიდეს. კოორდინაცია უნდა იყოს ძალიან მჭიდრო. ვფიქრობ, ეს ჩვენს ოპერატიულობასაც გაზრდის", - აღნიშნა მღებრიშვილმა შეხვედრაზე.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ოცნების მეგობარმა ირანის პარლამენტმა უცხოური ჩარევის წინააღმდეგ კანონი დაამტკიცა.

რომელი ბრენდი იმსახურებს ჩემპიონს? - ნინა თიბილაშვილის, ქართველი პარალიმპიელი ჩემპიონის ისტორია

კახეთში ფერმერებმა ატამი ნაგავსაყრელზე გადაყარეს, რადგან მისი გაყიდვა ვერ შეძლეს

უკრაინამ პირველად გამოიყენა ბრიტანული დრონები რუსეთის სიღრმეში საჰაერო დარტყმებისთვის