ევროკავშირის სადამკვირვებლო მისიის ინფორმაციით, საოკუპაციო ხაზთან მოქალაქეთა დაკავებების რიცხვი გაიზარდა.

შესაბამისი განცხადება მისიამ ერგნეთში გამართული ინციდენტების პრევენციისა და მათზე რეაგირების შეხვედრის შემდეგ გაავრცელა.

როგორც განცხადებაშია ნათქვამი, რიგით 78-ე შეხვედრის მთავარი თემები უსაფრთხოების სიტუაცია, ცხელი ხაზის მუშაობა და დაკავებების საქმეები იყო.

 „მონაწილეებმა აღნიშნეს, რომ დაკავებების რიცხვი წინა შეხვედრის შემდეგ, კიდევ უფრო გაიზარდა გასული თვის მონაცემებთან შედარებით“,- ნათქვამია განცხადებაში.

განცხადების თანახმად, დაკავების ფაქტების შემცირება მხოლოდ 2016 წლის ანალოგიურ პერიოდში ჩანს.

სადამკვირვებლო მისიის ცნობით, შეხვედრაზე მხარეებმა ასევე გიუნაშვილის საქმე განიხილეს, ე.წ. ბორდერიზაციის გავლენა გამყოფ ხაზთან მცხოვრები ადამიანების ყოველდღიურ ცხოვრებაზე, სადაც ელჩი იანკაუსკასი ხაზს უსვამს ჰუმანიტარული მიდგომების მნიშვნელობას.

ცნობისთვის, ინციდენტების პრევენციისა და მათზე რეაგირების მექანიზმის მორიგი შეხვედრა ერგნეთში 11 ივლისს გაიმართება. 

შეგახსენებთ, რომ მხოლოდ მიმდინარე თვეში საოკუპაციო ხაზთან 5 ადამიანი გაიტაცეს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ყირიმში, ნავთობბაზისა და ბორნის დაბომბვის შემდეგ, მათ შეწყვიტეს საწვავის გაყიდვა და დახურეს ქერჩის გადასასვლელი

აფხაზეთის საოკუპაციო რეჟიმი - თბილისიდან მშვიდობა მხოლოდ ძალის გამოუყენებლობის შესახებ შეთანხმებაა

ალბანეთში ათიათასობით ადამიანმა კუშნერ-ივანკა ტრამპთან დაკავშირებული კურორტის წინააღმდეგ საპროტესტო აქცია გამართა

მოვითხოვთ, 4 ოქტომბრის საქმის საფუძვლიან და ობიექტურ გადახედვას - მეცნიერებათა აკადემია