რუსმა ოკუპანტებმა, ბერშუეთთან ე.წ. საზღვრის უკანონო კვეთის ბრალდებით მამაკაცი დააკავეს

2017-06-05 18:22:44, 893 ნახვა

რეგიონი

რუსმა ე.წ. მესაზღვრეებმა სოფელ ბერშუეთიდან 35 წლის მიხეილ ბიძინაშვილი გაიტაცეს.

არსებული ინფორმაციით, მამაკაცი ოკუპირებული ცხინვალის იზოლატორშია გადაყვანილი.

„ექსპრესნიუსის“ დეტალების გასარკვევად სახელმწიფო უსაფრთხოების სამსახურს დაუკავშირდა.

უწყებაში დაკავების ფაქტს ადასტურებენ და აცხადებენ, რომ აღნიშნული პირის გასათავისუფლებლად მუშაობა მიმდინარეობს.

"აღნიშნული პირი დაკავებულია ე.წ. საზღვრის უკანონო კვეთის ბრალდებით. ფაქტის შესახებ ინფორმირებულია ევროკავშირის სადამკვირვებლო მისია და საერთაშორისო ორგანიზაციები. აღნიშნული პირის გასათავისუფლებლად მიმდინაროებს მუშოაბა", - აცხადებენ სუს-ში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან