ოკუპირებული ცხინვალის დე-ფაქტო პრეზიდენტმა ანატოლი ბიბილოვმა ე.წ. საგარეო საქმეთა მინისტრად დიმიტრი მედოევი დანიშნა, - ამის შესახებ "სპუტნიკ-ოსეტია" იუწყება.

მედია საშუალების ინფორმაციით, რუსეთის დიპლომატიური აკადემიის კურსდამთავრებული, 2002-2008 წლებში ოკუპირებული რეგიონის დე-ფაქტო პრეზიდენტის მრჩეველი და რუსეთის ფედერაციაში ე.წ. სპეციალური წარმომადგენელი იყო. 2008-2015 წლებში  მოსკოვში ცხინვალის  ე.წ. ელჩიც იყო.

2012 წელს დე-ფაქტო საპრეზიდენტო არჩევნებშიც მონაწილეობდა და კრემლის ფავორიტადაც სახელდებოდა. 

ცნობისთვის, ოკუპირებული ცხინვალის დე ფაქტო საგარეო საქმეთა მინისტრის ე.წ. პოსტზე დიმიტრი მედოევმა მურატ ჯიოევი შეცვალა.

აღსანიშნავია, რომ ანატოლი ბიბილოვმა დე-ფაქტო იუსტიციის მინისტრად ზალინა ლალიევა დანიშნა. მანამდე ე.წ. უწყებას მარინა ბესტაევა ხელმძღვანელობდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით