ყოფილი მთავარი პროკურორის ოთარ ფარცხალაძის ადვოკატის გაგი მოსიაშვილის განცხადებით, მისი დაცვის ქვეშ მყოფს გენერალური აუდიტორისთვის ლაშა თორდიასთვის ფიზიკური შეურაცხყოფა არ მიუყენებია.

როგორც ადვოკატმა აღნიშნა,  ლაშა თორდიას მიერ გაკეთებული განცხადებები არ არის სრულყოფილი. 

"კადრებში, რომელიც გავრცელდა, ჩანს ის რეალობა, რომ ფარცხალაძის მხრიდან არანაირ აქტიურ მოქმედებას ადგილი არ აქვს, კარგად ჩანს თავდასხმის ინიციატორი ვინც არის, აშკარად ჩანს პირადი დაცვის მხრიდან განხორციელებული აქტიური მოქმედება. კადრებში ნათელია, რომ ოთარ ფარცხალაძე ე.წ ინციდენდის მერე 15 წამში ტოვებს „ელ ცენტროს“ არა სირბილით, არამედ ჩვეულებრივი ნაბიჯებით. ეს ყოველივე მიუთითებს, რომ ლაშა თორდიას მიერ გაკეთებული განცხადებები არ არის სრულყოფილი და არ არის რეალური იმისა, რაც მოხდა „ელ ცენტროში“. შესაბამისად, ის ინფორმაცია, რაც მივაწოდოეთ ჩვენს მიერ გამოკითხული მოწმეების მხრიდან, დადასტურდა კადრებითაც. დადასტურებული ფაქტია, რომ ფარცხალაძის მიერ აქტიურ მოქმედებას ადგილი არ აქვს ამ ე.წ ინციდენტში",- აღნიშნა გაგი მოსიაშვილმა. 

კომენტარს "საზოგადოებრივი" ავრცელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჟურნალისტ მთივლიშვილზე თავდასხმის ფაქტზე შსს-მ გამოძიება დაიწყო

რუსების აგრესიის შედეგად, ერთ დღეში უკრაინის სამ რეგიონში თითქმის 20 ადამიანი დაიჭრა

ყაზახეთმა ასტანაში გამართულ ძიუდოს გრანდ სლემში მეორე დღესაც ოქრო მოიპოვა

ესპანეთში 800 მილიონ ევროზე მეტი ღირებულების კოკაინის გადამტანი გემი დააკავეს