რამიშვილი პროკურორის განცხადებაზე: შოუმენები არ ვართ, სპექტაკლები და შოუები თვითონ დადგან და უყურონ

2017-05-19 19:38:10, 2320 ნახვა

სამართალი კომენტარი

ე.წ ციანიდის საქმეში ბრალდებულის მამა გიორგი მამალაძის ადვოკატი მიხეილ რამიშვილი საქმის პროკურორის ჯარჯი წიკლაურის განცხადებას გამოეხმაურა.

როგორც რამიშვილმა "ექსპრესნიუსთან" საუბარში აღნიშნა, ადვოკატები შოუმენები არ არიან და დაცვის ქვეშ მყოფი პირის ინტერესებს იცავენ.

"ჯარჯი წიკლაურმა კიდევ იცოდეს, რომ ჩვენ შოუებს და სპექტაკლებს არ ვდგამთ. შოუმენები და რეჟისორები არ ვართ. ვიცავთ ჩვენი დაცვის ქვეშ მყოფი პირის ინტერესებს. სპექტაკლები და შოუები დადგან თვითონ და უყურონ", - განაცხადა მიხეილ რამიშვილმა.

შეგახსენებთ, ჯარჯი წიკლაურმა დღევანდელი სხდომის შეწყვეტის შემდეგ განაცხადა, რომ დეკანოზის ადვოკატებს „სამართალწარმოება მხოლოდ თოქ-შოუებში წარმოუდგენიათ“.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან