2017-05-18 11:35:50, 735 ნახვა
რეგიონი
აჭარის ჯანდაცვის მინისტრმა ქეთევან გოგიჩაიშვილს 100 წლის იუბილე მიულოცა
ქობულეთის მუნიციპალიტეტში მცხოვრებ ქეთევან გოგიჩაიშვილს დღეს 100 წელი შეუსრულდა.
აჭარის ჯანდაცვის სამინისტროს ინფორმაციით, უხუცესი ქალბატონი 1917 წლის 17 მაისს, ლანჩხუთის მუნიციპალიტეტის სოფელ ლესაში დაიბადა. ქალბატონ ქეთევანს 100 წლის იუბილე აჭარის ჯანდაცვის მინისტრმა ზაალ მიქელაძემ მიულოცა და სამინისტროს პროგრამის ფარგლებში 1000 ლარი გადასცა.
პროფესიით ბუღალტერი ქობულეთის სოფლის კოოპერატივში მთავარ ბუღალტრად პენსიაში გასვლამდე მუშაობდა. არის 3 შვილის დედა, 4 შვილიშვილისა და 6 თვილთაშვილის ბებია. ამჟამად, აჭარაში 100 წელს გადაცილებული 30 მოქალაქე ცხოვრობს. 5 უხუცესს 100 წელი მიმდინარე წლის განმავლობაში შეუსრულდება.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
