რუსეთის პრეზიდენტი ვლადიმერ პუტინი ოკუპირებული ცხინვალის რეგიონის ახლადარჩეულ დე-ფაქტო პრეზიდენტს ანატოლი ბიბილოვს შეხვდა, - ამის შესახებ ინფორმაციას კრემლის პრესსამსახური ავრცელებს. 

როგორც უწყების მიერ გავრცელებულ ინფორმაციაშია ნათქვამი, ბიბილოვმა და პუტინმა შეხვედრაზე ეკონომიკური საკითხები განიხილეს.  

რუსეთის პრეზიდენტმა ანატოლი ბიბილოვს "არჩევნებში" გამარჯვება მიულოცა. პუტინმა იმედი გამოთქვა, რომ ოკუპირებული ცხინვალის რეგიონის ე.წ. მთავრობა ანატოლი ბიბილოვის ხელმძღვანელობით რუსეთის ფედერაციასთან აქტიურად ითანამშრომლებს. 

"მინდა კიდევ ერთხელ მოგილოცოთ გამარჯვება. ვიცი, რომ რუსეთთან თანამშრომლობის აქტიური მხარდამჭერი ხართ. ჩვენ ორ ქვეყანას შორის სტრატეგიული შეთანხმებები ხორციელდება. დარწმუნებული ვარ, რომ თქვენი ხელმძღვანელობით, რესპუბლიკა ყველაფერს გააკეთებს იმისთვის, რომ აქტიურად ვითანამშრომლოთ", - დასძინა პუტინმა. 

შეგახსენებთ, რომ ოკუპირებული ცხინვალის რეგიონში დე-ფაქტო არჩევნები მიმდინარე წლის 9 აპრილს ჩატარდა. ე.წ არჩევნებში მონაწილეობას, ბიბილოვის გარდა, ყოფილე "პრეზიდენტი" ანატოლი თიბილოვიც იღებდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით

ცხინვალის „ლიდერის“ მოვალეობის შემსრულებლად რუსეთის მოქალაქე მარატ კამბოლოვი დაინიშნა