საქართველოს იუსტიციის უმაღლესი საბჭოს წევრის მერაბ გაბინაშვილის განცხადებით, არავის აქვს უფლება, გადალახოს წითელი ხაზი,  რომელიც მოსამართლის პირად ღირსებას შეურაცხყოფს.

როგორც მან სასამართლო ხელისუფლების წარმომადგენლების შეურაცხყოფასთან დაკავშირებით, საბჭოს ინიციატივაზე საუბრისას განაცხადა, მოსამართლის პიროვნული შეურაცხყოფა ზიანს  არა მხოლოდ კონკრეტულ მოსამართლეს,  არამედ მთლიანად მართლმსაჯულების სისტემას აყენებს:

„მოსამართლეებსაც აქვთ თავისი ღირსება ისევე, როგორც საზოგადოების  ნებისმიერ წევრს აქვს უფლება და ვალდებულიც არის, საკუთარი ღირსება დაიცვას პიროვნული შეურაცხყოფისაგან და ამისთვის სხვადასხვა მექანიზმები არსებობს. მოსამართლეც გახლავთ ჩვეულებრივი საზოგადოების წევრი, რომელსაც აქვს უფლება, თავისი ოჯახის, საკუთარი ღირსება დაიცვას და ამის შესახებ თავისი პოზიცია გამოხატოს. მინდა, ცალსახად ვთქვა, რომ კონვენციის მე-10 მუხლის მე-2  ნაწილში (თავად  კონვენციის ეს მუხლი ცალსახად აღიარებს გამოხატვის  თავისუფლების პრიორიტეტულობას და დაცულია მისი  ფარგლები) პირდაპირაა ჩაწერილი, რომ გამოხატვის თავისუფლება  არ გახლავთ აბსოლუტური უფლება და მისი შეზღუდვის  ფარგლებია ჩამოთვლილი. მათ შორის სასამართლოს მიუკერძოებლობა, სასამართლოს  დამოუკიდებლობა. თუ სასამართლოს ავტორიტეტსა და მიუკერძოებლობას  ექმნება საფრთხე, პირდაპირაა კონვენციაში აღიარებული უფლება, რომ გამოხატვის თავისუფლება შესაძლებელია შეიზღუდოს. როდესაც  მოსამართლეს აყენებენ პიროვნულ შეურაცხყოფას და ეს რამდენიმე მოსამართლეზე პერმანენტულად ხდება, ასეთი მსგავსი ტიპის  შეურაცხყოფა არა მარტო იმ მოსამართლეს აყენებს ზიანს,  არამედ ზიანს აყენებს  მთლიანად  მართლმსაჯულების სისტემას.

სწორად უნდა გაიგოთ, ჩვენ არ ვითხოვთ მაინცდამაინც სისხლის სამართლებრივ პასუხისმგებლობას მიუხედავად იმისა, რომ გერმანიაში, ამერიკაში არის მსგავსი ტიპის  რეგულაციები სისხლის სამართლის წესით დასჯადი. ჩვენ ვამბობთ, ეს საკითხი იმსახურებს თუ არა  საერთოდ მსჯელობას,  რადგან ძალიან გასცდა ფარგლებს, წითელ ხაზებს. აქედან გამომდინარე, ჩვენ ცალსახად არ ვდებთ რაიმე კონკრეტულ მიმართულებას, ვამბობთ, რომ  საზოგადოების, ჟურნალისტების, არასამთავრობო ორგანიზაციების  განსჯის საგანი გახდეს. სიძულვილის ენით  ლაპარაკი სასამართლოსთან არ გამოვა. სასამართლოს უნდა ესაუბროთ დასაბუთებულად და სამართლებრივად“,-განაცხადა მერაბ გაბინაშვილმა.

გაბინაშვილი  არ გამორიცხავს, რომ მოსამართლის შეურაცხყოფა ადმინისტრაციული წესით  დასჯადი ქმედება გახდეს:

„შესაძლებელია იყოს ადმინისტრაციული წესით დასჯადი, მაგრამ  არც ერთი წესით დასჯადიც რომ არ გახდეს, უბრალოდ ამ თემაზე  რომ დაფიქრდნენ ჟურნალისტები, არასამთავრობო ორგანიზაციები და ზოგადად, საზოგადოება, ჩემთვის ესეც შედეგია“,-განმარტავს  მერაბ გაბინაშვილი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: რუსეთი დათანხმდა დაპატიმრებული ამერიკელი საზღვაო ქვეითის გაცვლის გარეშე გათავისუფლებას

გერმანია განიხილავს რუსეთში დრონების მწარმოებლების წინააღმდეგ კიბერშეტევების განხორციელების ნებართვის მინიჭებას

ნასვამი და ნარკოტიკული თრობის ქვეშ მყოფი მძღოლების წინააღმდეგ ბრძოლა მკაცრდება - სტრატეგია

უკანა სავარძელზე ღვედი და სკოლამდელი ბავშვებისთვის სპეცსავარძლების გამოყენება სავალდებულო გახდება