იუსტიციის მინისტრის მოვალეობის შემსრულებელმა ალექსანდრე ბარამიძემ ინდონეზიის იუსტიციისა და ადამიანის უფლებათა დაცვის მინისტრი იასონა ლაოლი მიიღო.

სამინისტროს ინფორმაციით, ალექსანდრე ბარამიძე დელეგაციის წევრებს იმ რეფორმების შესახებ ესაუბრა, რომლებიც ქვეყანაში იუსტიციის სამინისტროს ხელმძღვანელობით ხორციელდება.

მხარეებმა ისაუბრეს სასამართლოსა და პროკურატურის რეფორმის შესახებ. დელეგაციის წევრები გაეცვნენ ადამიანის უფლებათა სტრატეგიის სამოქმედო გეგმას, ისაუბრეს ანტიდისკრიმინაციული კანონმდებლობისა და ბავშვთა ულებების კუთხით გაწეულ სამუშაოებზე − მათ შორის, არასრულწლოვანთა მართლმსაჯულების კოდექსზე.

სტუმრები იუსტიციის სახლებისა და საზოგადოებრივი ცენტრების კონცეფციასა და მუშაობის სპეციფიკასაც გაეცვნენ. მხარეებმა ისაუბრეს სერვისების გაცემისა და ელექტრონული მმართველობის სფეროში საქართველოს წარმატებულ გამოცდილებაზეც.

ვიზიტის ფარგლებში დელეგაციის წევრებს საშუალება მიეცათ, მონაწილეობა მიეღოთ იუსტიციის სახლის მიერ ორგანიზებულ ტურში, რათა უკეთესად გასცნობოდნენ სერვისების გაცემის პროცესს.

ინდონეზიის დელეგაციის ვიზიტი 5 აპრილს სრულდება.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთ-საქართველოს მცენარეთა საკარანტინო ნორმების კუთხით თანამშრომლობას ავითარებს - როსსელხოზნადზორი ვიზიტს აჯამებს

სიორიძე - ვაპირებთ, ოცნებას ყველა ცრუ ბრალდება შემოვუტრიალოთ, ვამხილოთ კონსტიტუციური წყობილების ხელყოფაში

მაჭავარიანი - სასამართლოზე კითხვა-პასუხის რეჟიმში დავინახავთ ზოგადად რამდენად უსუსურ მდგომარეობაშია ეს აგენტურული ოპოზიცია

ნათია თურნავა – ინფლაციის დონეში ძირითადი წვლილი, სულ მცირე, 2.2% გარე ფაქტორებმა შეიტანა