ვარკეთილში, შინაგან საქმეთა სამინისტროს  მიმდებარე ტერიტორიაზე  პოლიციელის მკვლელობაში ეჭვმიტანილის დასაკავებლად მიმდინარე სპეცოპერაცია  რამდენიმე წუთის წინ დასრულდა.

სამძებრო სამუშაოებში სპეცრაზმელები, პოლიციელები, სამართალდამცველები იყვნენ ჩართული.  ჯერჯერობით უცნობია, თუ რა შედეგით დასრულდა სპეცოპერაცია. მასთან დაკავშირებით ამ დრომდე ოფიციალური განცხადება არ გაკეთებულა.

სპეცოპერაცია ვარკეთილში დაახლოებით, დილის 4 საათზე დაიწყო. სამართალდამცველებმა  საცხოვრებელი კორპუსები შეამოწმეს. გავრცელდა ინფორმაცია, რომ ეჭვმიტანილი  ავტონაწილების ბაზრის სავაჭრო ტერიტორიაზე იმყოფებოდა, რის გამოც ბაზრიდან ხალხის ევაკუაცია განხორციელდა. სამძებრო სამუშაოები  ჯავახეთის ქუჩაზეც  ჩატარდა, სადაც გუშინ ტრაგიკული შეთხვევა მოხდა. 

შეგახსენებთ, შსს-ს ისანი-სამგორის სამმართველოს მე-8 განყოფილების უბნის ინსპექტორ-გამომძიებელი ბექა მარგიშვილი დეტექტივის თანაშემწე - გამომძიებელ ვალერიან გრძელიშვილთან ერთად 4 აპრილს, საღამოს საათებში, თბილისში, ვარკეთილის მეტროსთან, ჯავახეთის ქუჩაზე, სამსახურებრივ მოვალეობას ასრულებდა, რა დროსაც მათ გადამოწმების მიზნით პიროვნება შეაჩერეს. აღნიშნულმა პირმა მოულოდნელად პოლიციელების მისამართით ცეცხლსასროლი იარაღიდან ცეცხლი გახსნა და შემთხვევის ადგილიდან მიიმალა. სროლის შედეგად ორივე სამართალდამცველი დაიჭრა. მიყენებული ჭრილობების შედეგად ბექა მარგიშვილი საუნივერსიტეტო კლინიკაში გადაყვანის შემდეგ გარდაიცვალა.   

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Faridaily: რუსეთის ბუნებრივი რესურსების მინისტრის მოადგილე საქართველოს გავლით აშშ-ში გაიქცა

ირაკლი კობახიძემ მამუკა მდინარაძეს, როგორც სახელმწიფო მინისტრს, უფლებამოსილებები და მისი ფარგლები განუსაზღვრა

ფასების კომისიის დასკვნა: ჩვენი რეკომენდაციაა უფრო რბილი ჩარევა, ვიდრე აგრესიული

მომსახურების სააგენტოს ხელმძღვანელი შალვა კბილაშვილი გახდა