შს მინისტრის მოადგილის შალვა ხუციშვილის განცხადებით, საქართველოს პოლიციის გამოცდილებაში ბათუმის შემთხვევა უპრეცედენტო იყო, რადგან  მოვლენები სტიქიურად განვითარდა და ორგანიზატორები წინასწარ არ იყო ცნობილი.

მისი თქმით, პოლიცია  აღნიშნულ მოვლენამდე არ იყო მზად განსხვავებით სხვა აქციებისგან, როცა  წინასწარ იღებს უსაფრთხოების ზომებს.

ხუციშვილის შეფასებით, ამ პირობებში პოლიციამ შეძლო, ძალიან ორგანიზებულად ემართა სიტუაცია და დროზე მოეხდინა ძალების მობილიზება.

„ეს არ არის მთელი ბათუმის გადაწვა, როგორც მიდის საუბარი, იყო ერთ კონკრეტულ ქუჩაზე, იმ ქუჩის ერთ კონკრეტულ მონაკვეთზე განვითარებული მოვლენები, რომელიც მიმართული იყო უშუალოდ პოლიციის წინააღმდეგ და არ ეხებოდა სხვა მოქალაქეებს. ჩვენ ქალაქში გვქონდა კონტროლი, გარკვეულად შეუმჩნევლად პატრულირება პოლიციის მიერ მაინც ხორციელდებოდა და სრულად ვაკონტროლებდით ვითარებას, ნებისმიერი განვითარებისთვის ვიყავით მზად, თუ ეს ხალხი გაიშლებოდა და დაიწყებდა სხვა ქუჩებზე გადასვლას. მესამე ფაქტი, რაზეც არის საუბარი ბოლოს, რატომ დაშალეს და ა.შ. ამ შემთხვევაში პრიორიტეტი მიენიჭა ადამიანის ჯანმრთელობას, როდესაც გაწმენდა დავიწყეთ ამ ქუჩების, მაშინ აგრესიულად განწყობილი ჯგუფები ისევ აგრძელებდნენ  იმ საქმიანობას, არავინ თავისი ნებით არ დაშლილა და ისეთი ელფერი აქვს მიცემული თითქოს, პოლიცია ყველა რომ დაიშალა, შემდეგ მოვიდა. ორგანიზებულად იმუშავა პოლიციამ იმის გათვალისწინებით, რომ არ არსებობდა პირი, ვინც აიღებდა პასუხისმგებლობას და ვისთანაც შედგებოდა მოლაპარაკება. ყველა სხვა შემთხვევაში ჩვენ გვყავს ხოლმე ორგანიზატორები, რომლებსაც ველაპარაკებით და პროცესს ისე ვმართავთ. ეს იყო პირველი გამოწვევა და ჩვენ ამ გამოწვევას ვუპასუხეთ“, - განაცხადა ხუციშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ლაშა ფარულავა - ოცნების რეჟიმმა საქართველო რუსული და ირანული სისხლიანი ფულის კრიპტო-სამრეცხაოდ აქცია

შს სამინისტრო 2014 წელს, დუშეთის მუნიციპალიტეტში გაუჩინარებული არასრულწლოვანის, გურამ დადიანიძის საქმის გამოძიების შესახებ, ასევე გავრცელებულ ვიდეოსთან დაკავშირებით ინფორმაციას ავრცელებს

„პეტრიოტის“ მწარმოებლები შიშობენ, რომ უკრაინა გააუმჯობესებს და შეამცირებს რაკეტების ღირებულებას - მედია

გივი მიქანაძე – სასკოლო ფორმის ტარება ემსახურება თანასწორობას