ეს არის აბსოლუტური უკანონობა, არანაირი ქვედანაყოფების შეერთება არ შეიძლება მოხდეს საქართველოს ტერიტორიაზე, - ასე გამოეხმაურა ვიცე-პრემიერი, განათლებისა და მეცნიერების მინისტრი ალექსანდრე ჯეჯელავა ოკუპირებული ცხინვალის ე.წ. შეიარაღებული ძალების ქვედანაყოფის რუსეთის ფედერაციის შეიარაღებულ ძალებში შესვლის თაობაზე, ვლადიმერ პუტინის გადაწყვეტილებას.

მინისტრის თქმით, ეს მიანიშნებს, რომ რუსეთი საერთაშორისო ვალდებულებების შეუსრულებლობას აგრძელებს.

„ჩვენ ცალსახად, დიპლომატიურად ვებრძვით ასეთ ქმედებებს. ჩვენმა ამერიკელმა და ევროპელმა პარტნიორებმა ამასთან დაკავშირებით უკვე გამოთქვეს მოსაზრება და ეს არის ჩვენი ბრძოლის ძირითადი მეთოდი“, - აღნიშნა ჯეჯელავამ.

შეგახსენებთ, რუსეთის პრეზიდენტმა ვლადიმერ პუტინმა ოკუპირებული ცხინვალის ე.წ. შეიარაღებული ძალების ქვედანაყოფის რუსეთის შეიარაღებულ ძალებში შესვლის შესახებ წინადადება დაამტკიცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დააკავეს კაცი, რომელმაც მიუსაფარი ძაღლი დაჭრა

სინდისის პატიმრების ოჯახის წევრები საზოგადოებას აქტიურობისკენ და მხარდაჭერისკენ მოუწოდებენ

დეკანოიძე - ოცნება თავად ასხივებს უწიგნურობას, ძალადობას და სიძილვილს, თუმცა სხვებს აპატიმრებს

ქართველი დიპლომატები და საზოგადოება რუსეთის მიერ საქართველოს ოკუპირებულ რეგიონების ანექსიური პროცესებისა და უსაფრთხოების რისკების გაძლიერებასთან დაკავშირებით საერთაშორისო პარტნიორებს მიმართავს