აშშ-ის სახელმწიფო მდივანმა მარკო რუბიომ განაცხადა, რომ უკრაინის კონფლიქტის მოგვარების მომავალ მოლაპარაკებებში შესაძლოა პროგრესი იყოს მიღწეული.

„შესაძლოა, ხვალ აბუ-დაბიში, როდესაც ჯარედ კუშნერი და სტივი (ვიტკოფი - IF) იქ იქნებიან, გარკვეული პროგრესი იყოს მიღწეული“, - განუცხადა რუბიომ ჟურნალისტებს.

მან აღნიშნა, რომ უკრაინისა და ევროპის უსაფრთხოების გარანტიების განხილვის დასაწყებად აუცილებელია „კონფლიქტის დაძლევა“.

„მთელი ამ ხნის განმავლობაში, სანამ რუსეთ-უკრაინის ურთიერთობებზე ვსაუბრობდით, უსაფრთხოების გარანტიების საჭიროების საკითხი მუდმივად ჩნდებოდა. როგორი იქნებოდა ომისშემდგომი უსაფრთხოების ინფრასტრუქტურა უკრაინისთვის და, უფრო ფართოდ, ევროპის კონტინენტისთვის“, - თქვა რუბიომ.

აშშ-ის სახელმწიფო მდივანმა კომენტარი გააკეთა ტრამპის განცხადებებზე და მიანიშნა, რომ „პრეზიდენტი მიანიშნებს, რომ გარკვეული პროგრესი იქნა მიღწეული იმაში, თუ როგორი შეიძლება იყოს ეს არქიტექტურა კონფლიქტის შემდგომ პერიოდში“.

ადრე დონალდ ტრამპმა განაცხადა: „ჩვენ ძალიან კარგად ვთანამშრომლობთ რუსეთთან და უკრაინასთან. ჩვენ დიდ პროგრესს მივაღწიეთ“.

10-11 ნოემბერს აბუ-დაბიში (არაბთა გაერთიანებული საამიროები) რუსეთს, აშშ-სა და უკრაინას შორის სამმხრივი შეხვედრაა დაგეგმილი.

ავტორი: ცოტნე ტალახაძე, ექსპრესნიუსის რეპორტიორი 2019 წლიდან

სოციალური ქსელები

კობახიძე - საქართველო სოლიდარობას უცხადებს პოლონეთსა და პოლონელ ხალხს

რუბიო იმედოვნებს, რომ აბუ-დაბიში უკრაინის ომთან დაკავშირებულ მოლაპარაკებებში პროგრესი იქნება

Reuters: ვენსი ტრამპის არაპოპულარული გადაწყვეტილებებისგან დისტანციას იჭერს და რესპუბლიკელთა ლიდერობისთვის ბრძოლისთვის ემზადება

ტრამპმა განაცხადა, რომ ჩინეთში პუტინთან და სი ძინპინთან დენუკლეარიზაციის საკითხზე საუბარს აპირებს